Lungungu 5:20 - MUKANDA USANDU WA ZAMBI 1975

²⁰ Kuchi te wakutuvulama ku miaka yeswe? Kuchi te hiwatwehuka shimbu lipwa haha?

Mukanda Wa Zambi 1970

²⁰ Mumu yika hiwatwehuka matangwa abwa haha? Kuushi kutwiwuluka nawa nichimwe, nyi?

Lungungu 5:20 Iomraidhean Croise

Miaso (Masamu) 13:1

Ndo mwiji muka mukanguvulama, Yehova, ndo ku miaka ya mutolo, nyi? Ndo mwiji muka mukanguswekela meso je?

Miaso (Masamu) 13:2

Ndo mwiji muka mungupukuna mu mbunge yami ya tò ni chinyengo tangwa ha tangwa. Ndo mwiji muka mukwa kole yami malinangamisa helu lia yami?

Miaso (Masamu) 42:10

Ngwe katana mu yifwaha yami akwa kulimika kakunguchoka shimbu mambamba kuli yami ngwo, Zambi ye kulihi ali?

Miaso (Masamu) 44:24

Kuchi te unasweke meso je nikuvulama lamba lietu ni yihungumiona yetu?

Miaso (Masamu) 74:1

Zambi, kuchi te watumbila ku miaka ya mutolo? Kuchi te utenu we unafwinji hali mapanga a kelo je?

Miaso (Masamu) 79:5

Yehova, ndo mwiji muka? Mukatenuka ku miaka ya mutolo, nyi? Ukwa we muuyila ngwe kahia, nyi?

Miaso (Masamu) 85:5

Kumutenuka ni yetu ndo ku miaka ya mutolo, nyi? Kumukalindulula utenu we ku yisemuko yeswe, nyi?

Miaso (Masamu) 89:46

Yehova, ndo mwiji muka? Kuswama che muchipwa cha mutolo nyi? Ndo mwiji muka ufwatulo we muulekwoka ngwe kahia?

Izaya 49:14

Alioze Zaione yamba ngwenyi, Yehova hanangwehuka. Mwene wami hananguvulama.

Izaya 62:6

Ena Yerusaleme, hinasa tulayi ha yipanga ye ya mawe, mba mwalwa weswe ni ufuku weswe kechi kahola nilimwe tangwa. Enu akwa kwiwulula Yehova, kanda nuhwima,

Jeremia 14:9

Kuchi te unapu ngwe umwe kanakakashana, ngwe umwe mukwa ndundo yoze kahashile kulamwina? Hindu, Yehova, uli hakachi ketu, ni yetu hatuluka jina lie. Kanda utwehuka.