Lungungu 5:19 - MUKANDA USANDU WA ZAMBI 1975

¹⁹ Hindu yena Yehova kuwayula ndo ku miaka; ngunja ye kuyakola ndo ku yisemuko yeswe.

Mukanda Wa Zambi 1970

¹⁹ Alioze yena, Aa Mwene Zambi, uli mwanangana ku miaka yeswe, Muukayula ndoo ku songo lia miaka.

Lungungu 5:19 Iomraidhean Croise

Miaso (Masamu) 10:16

Yehova iye mwanangana ndo ku miaka ya mutolo. Mavungu hanakuwu mu chifuchi chenyi.

Miaso (Masamu) 102:12

Alioze yena Yehova unatwama wa mutolo. Chiwulwiso che muchilinduluka ndo ku yisemuko yeswe.

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Miaso (Masamu) 146:10

Yehova kumakayula ku miaka ya mutolo. Zaione, Zambi ye kumakayula ku yisemuko yeswe. Halisenu Yehova!

Miaso (Masamu) 29:10

Ku sanga lia meya Yehova Watwamine ngwe mwanangana. Ewa, katwama ngwe mwanangana wa mutolo.

Miaso (Masamu) 45:6

Ngunja ya yena Zambi kuyili ndo ku miaka yeswe ya mutolo; lukanda wa wanangana we lukanda wa ululi.

Miaso (Masamu) 9:7

Alioze Yehova katwama mwanangana ku miaka ya mutolo: hanalulika ngunja yenyi ha upatwilo.

Miaso (Masamu) 90:2

Shimbu milundu kanda yichisemuka. Shimbu kanda uchitomba mavu ni hashi. Chize ku miaka ya mutolo ndo ku miaka ya mutolo, yena uli Zambi.

Miaso (Masamu) 93:2

Ngunja ye hanayikolesa ku shakulu. Yena uli wa ku miaka ya mutolo.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Habakuke 1:12

Yehova Zambi yami! Mwe Musandu wami! Hi uli wa mutolo ko? Kashika kutuchi kufwa. Yehova hiunaatongola akapwe kastigu; yena lwe Luliwe, hiunaakolesa atufumbe.

Yoano 1:38

Yesu watewulukile, waamwene nikukaula, yamba kuli ayo ngwenyi, Kuchi nunafupu? O ambile kuli iye ngwo, Rapi (linalumbunuka ngwo, Longeshi), kulihi watwama?

Shimbi 33:27

Zambi ya mutolo iye chiswamo che mba kushi kwatwama moko a mutolo. Iye makahuma akwa kole kumeso je mamba ngwenyi, Aonwonenu.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

Hebreu 13:8

Yesu Kristu chimuwika apwa, ni zau, ni musono, ni ndo ku miaka ya mutolo.

Usolwelo 1:4

Yami. Yoano ngunasoneka ku yikungulwila shimbiali yize yili mu Eshia: Vumbi kuli yenu ni sambukila ya kuli yoze kwali, yoze wapwile, yoze meza kupwa: ni ya kuli Maspiritu shimbiali waze ali kulutwe lia ngunja yenyi;

Usolwelo 1:8

Yami nguli mwe Alfwa ni mwe Omega, chocho anambe Mwene Zambi, yoze kwali, yoze wapwile, yoze meza kupwa, mwe Mukwa-Ndundo-Jeswe.