Lungungu 5:14 - MUKANDA USANDU WA ZAMBI 1975

¹⁴ Makulwana hanehuka chikolo cha chihunda; akweze hanahichika miaso yo.

Mukanda Wa Zambi 1970

¹⁴ Makulwana jetu keeshi kutwama nawa mu chota; akweze jetu hikaasolo kwimba nawa miaso.

Lungungu 5:14 Iomraidhean Croise

Jobe 30:1

Alioze haliapwila kakuheha ni yami, twanuke twami—atato te chishi kuzanga kwasela hamwe ni tuwa akafunge yimuna jami.

Jobe 30:31

Kalialia kami hikalumuka kulinyenga; lundembo wami hapwa liji lia akwa kulila.

Jeremia 16:9

Mumu Yehova-wa-Tujita Zambi ya Izalele kanambe ngwenyi, Munguteta kuma kuno kwe kumeso je, ni ha matangwa je, liji lia chiseke ni liji lia uwahililo, ni liji lia sandungi ni liji lia ndungi.

Jeremia 25:10

Chikwo nawa munguchiza kuli ayo liji lia kuseha ni liji lia chiseke, ni liji lia sandungi ni lia ndungi, ni zungo lia kutwa, ni pangu lia ndeya.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Lungungu 2:10

Makulwana ja mwana-pwo Zaione hashi anatwama, kúlú; hanalikuwu mavu ha mitwe hanazala yikeleyi. Ana-mapwo a mu Yerusaleme hanahetamisa mitwe yo hashi.

Ezekiel 26:13

Mungukakolesa kwimba cha miaso yenu; liji lia tulialia twenu kechi kalivwa nawa.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Shimbi 16:18

Ni ngaji ni yilolo nulisakwilo mu yihunda yenu yeswe, Yehova Zambi yenu ananweheyo, nikulita ni minyachi yenu, o akayule atu ni upatwilo wa ululi.

Usolwelo 18:22

Ni liji lia akwa kwimba tulialia, ni njimba, ni akwa kwimba ndembo, ni akwa kwimba yitavwi, kechi kulivwa nawa nichimwe muli yena. Ni chilangaji niumwe wa ulangaji weswawo, kechi kamuwana nichimwe muli yena; ni liji lia kutwa kechi kalivwa nawa nichimwe muli yena.