Lungungu 4:7 - MUKANDA USANDU WA ZAMBI 1975

⁷ Alemu jenyi apemene kuhiana neve atomene kuhiana yamwa. Mijimba ya tusongo twenyi yachilile kuhiana rubi kuwaha cho ngwe safwira.

Mukanda Wa Zambi 1970

⁷ Alemu jetu abwile alinanga, atoma ngwe chiwe, te akwa kutakama, akwa tachi, ni mijimba yibema.

Lungungu 4:7 Iomraidhean Croise

Jobe 28:16

Oru ya Ofiri kuyaafwikile; chipwe sardonica ja ndando yilemu hanji safwira.

Jobe 28:18

Chipwe kutongola korale hanji kakanga; ndando ya mana yahiana rubi

Miaso (Masamu) 144:12

Ana jetu a malunga apwe ngwe yiputa, asuhe mu ukweze wo, ni ana jetu a mapwo apwe ngwe mawe a ha mbango, aze akupula ngwe a kusa ku zuwo Ha mwanangana.

Miaso (Masamu) 51:7

Ngupemese ni hisope mba mungupema. Ngusanyise mba mungutoma kuhiana neve.

Kutuhuka 24:10

O yamona Zambi ya A-Izalele. Kushi lia yiliato yenyi kwapwile ngwe mawe a safwira a kwala, zwalala lume ngwe mwilu.

Mwaso Ubema Wahiana 5:10

Mukwa zango liami kanalejima, kanachili; kanahiana ulemu hakachi ka kumi lia tununu.

Mwaso Ubema Wahiana 5:15

Molu jenyi ngwe manguji a marmore a kutokeke mu yimanyino ya oru. Kusoloka chenyi ngwe Lebano, mupema ngwe mutondo ya sedru.

Daniel 1:15

Kulutwe lia kumi lia matangwa yamona o te kanapeme ku meso, kanatoho ku mijimba kuhiana akweze eswe waze alile kulia chipema cha mwanangana.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Akwa Kuyula 13:5

mumu kumukapwa ni ufumba, kumukasema mwana wa lunga. Kanda ukasa tewula ku mutwe wenyi mumu mwana-lunga yono kumakapwa Kanazireu kuli Zambi chize ku kusemuka chenyi. Iye kumakaputuka kupulula A-Izalele ku moko ja A-Filistea.

Akwa Kuyula 13:7

Alioze yamba kuli yami ngwenyi, Kumukapwa ni ufumba. Kumukasema mwana wa lunga, kashika kanda ukanwa vinyu hanji kunwa chisasu. Chikwo nawa kanda ukalia yuma ya luchisa mumu mwe mwana-lunga kumakapwa Kanazireu kuli Zambi chize ku kusemuka chenyi ndo ku tangwa lia kufwa chenyi.

Akwa Kuyula 16:17

Yamulumbunwina mbunge yenyi yeswe ngwenyi, Kangutewile mutwe wami nilimwe tangwa mumu nguli Kanazireu kuli Zambi chize ku jimo lia mama. Nyi mangutewula tachi jami mujingukatuka, mungwalumuka mulelu, mungupwa ngwe malunga-ni-akwetu.

1 Samuel 16:12

Yatuma yamusaka. Iye te muchila chikolo, meso jenyi apema, kanawaha chikolo kumutala. Yehova yamba ngwenyi, Mwenawo, katuka umuwayise.