Lungungu 4:4 - MUKANDA USANDU WA ZAMBI 1975

⁴ Limi ha mukwa kwamwa linalamata ku kanwa ni pwila. Ana kanawunjila kulia ahoze niumwe kaahelecho.

Mukanda Wa Zambi 1970

⁴ Ana jo a kemba kaanafu ni zala ni pwila; kaanaunjila yakulia alioze kukushi niumwe yoze maaha yo.

Lungungu 4:4 Iomraidhean Croise

1 MIANANGANA 18:27

Alioze Rabeshaka yamba kuli ayo ngwenyi, Te mwata wami hangutuma kuhanjika maliji ano kuli yenu ni mwata wenu? Te kangutumine kuli malunga wano atwama ha chipanga-cha-mawe, se o nawa hamuwika ni yenu hanafunjikacho kulia tuji jo ni kunwa masuso jo nyi?

1 MIANANGANA 25:3

Ha tangwa liamuchilivwa lia kakweji wamuchiwana zala yapwile yinji mu chihunda; kukwapwile mbolo hali akwa chifuchi.

Miaso (Masamu) 137:6

Limi liami likalamate mu kanwa liami nyi kachi chakwiwulukile, kachi chazangile Yerusaleme kuhiana uwahililo wami uze unene.

Miaso (Masamu) 22:15

Tachi jami jinomu ngwe chipalupalu cha ndeho; limi liami linalamata ku mbangachi jami; kuwanguneha mu fufuta ya kufwa.

Izaya 5:13

Kashika atu jami kakuya ku ufunge, mumu ha kuhona yinyingi; alemu jo kanafu ni zala, ni mbunga yo yinomu ni pwila.

Jeremia 14:3

Alemu jenyi kakutuma ngamba jo ku meya; kakwiza ku mashima, keshi kuwana meya, kakuhiluka ni yikwachilo ya upolongo, kakupwa ni sonyi, chakwatatajala, kakutuka mitwe yo.

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Luka 10:11

Chipwe fufuta ya ku limbo lienu, yize yakulalaminya ku yihato yetu, tunakukumwina hali yenu; hindu nyingikenu chino, wanangana wa Zambi hiunakundama.

Shimbi 28:48

Kashika munukavumbika akwa kole jenu Yehova makaatuma alimike ni yenu, ni zala, ni pwila, ni uvu, ni kuhona cha yuma yeswe. Makasa kanga ya utale ku kota jenu, ndo makanwonwona.

Shimbi 32:24

Makawangama ni zala. Makakuwa ni kusasaminya chá, ni yilungo ya utende. Mungwatuma mazo a ngongo ni utende wa tushitu a kukalala mu fufuta.