Lungungu 4:21 - MUKANDA USANDU WA ZAMBI 1975

²¹ Wahilila ni kulikwiza, ena mwana-pwo Endome watwama mu chifuchi cha Uze; alioze kuli yena nawa musenge uno muukaheta, ni yena mukazengewa ni kulizula uselesele.

Mukanda Wa Zambi 1970

²¹ Yenu Aedome ni akwa Uze, ivwenu chiseke ha shimbu lize nunahase. Lamba lienu kulineza; ni yenu nawa kumunwendangana uselesele ni sonyi.

Lungungu 4:21 Iomraidhean Croise

Ubutukilo 36:28

Ana ja Ndishane, wano; Uze ni Arane.

2 Sango Ja Mianangana 28:19

Mumu Yehova yakehesa A-Yunda mumu ha mukunda wa Ahaze mwanangana wa Izalele; mumu iye haneha kupiya mu Yunda nikutangula chikolo shimbi ja Yehova.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Miaso (Masamu) 137:7

Yehova, iwuluka cha kulimika ni Endome, tangwa lia Yerusaleme, waze ambile ngwo, Puzulenu! Puzulenu! ni ye fundamentu yalio.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Jeremia 49:12

Mumu Yehova kanambe ngwenyi, Nyi waze musenge uno kuwaatele chaatamba kuunwa, enu te munuya ni kastigu ka? Kunuchi kuya ni kastigu ka. Chanutamba kunwa.

Jeremia 49:7

Ha kutwala kuli Endome Yehova-wa-Tujita kanambe ngwenyi, Mana hahwa mu Temane? Yiyulo hiyajimuka kuli yikanyame? Mana jo hachina?

Ezekiel 25:6

Mumu Mwene Yehova kanambe ngwenyi, Se nwasakwilile ni koshi, ni kulinyehuna, ni kulikwiza ni shili yize yeswe yapwile muli yenu ha chifuchi cha Izalele,

Ezekiel 25:8

Mwene Yehova kanambe ngwenyi, Mumu A-Moape ni A-Sere kakwamba ngwo, Munyachi wa Yunda chimuwika unapu ni mavungu akwo,

Ezekiel 26:2

Mwana mutu, mumu Teru wambile ha kutwala ku Yerusaleme ngwo, Oló! Chajilo cha atu hichafwa, hichangwazulukila. Iye hamwenyeka, kashika ami munguyuka,

Amose 1:11

Yehova kanambe ngwenyi, Mumu ha milonga yitatu ya Endome hanji yiwana, chichi kahilwisa kastigu, mumu yakaula mwanakwo ni katana nikumbila keke yeswe. Utenu wenyi wapapulwile matangwa eswe; wafungile ufwatulo wenyi wa mutolo.

Obadia 1:1

Usolwelo wa Obadia uno. Mwene Yehova kanambe ha kutwala kuli Endome ngwenyi, Hitunevu lusango wa kuli Yehova. Hatuma kanganda hakachi ka mavungu nikwamba ngwenyi, Katuka; tukatukenu kulimika nenyi mu jita.

Mika 1:11

Enu akwa Shafiri, palikenu jila yenu ni Uselesele ni sonyi. Enu akwa Zanana, kanda nutuhuka. Kulila mbimbi cha Mbete-Ezele muchinuchiza umanyino.

Habakuke 2:16

Makuzalisa ni sau, hi uhenya ko. Nwako yena mwene ukapwe ngwe chilima! Musenge wa ku kwoko lia chindume lia Yehova muukuheta mba sonyi mujikafuka uhenya we.

Usolwelo 16:15

(Talenu, nguneza ngwe mwiji; kawaha yoze malá, yoze mafunga mazalo jenyi, hanga kechi kenda ni uselesele, hanga kechi kamona sonyi jenyi).