Lungungu 4:20 - MUKANDA USANDU WA ZAMBI 1975

²⁰ Mwiku wa mu mazulu jetu, yoze wa kuwayisa ni maji kuli Yehova, hamukwata mu mawumbu jo, yoze te twambile ngwetu, Mututwama hakachi ka mavungu mu Chizulie chenyi.

Mukanda Wa Zambi 1970

²⁰ Mwanangana yoze Mwene Zambi atongwele, mwe chishina cha mwono wetu, yaamwoza mu mawumbu jo. Kali yoze twakujikijila kutufunga mukachi ka mavungu akwo.

Lungungu 4:20 Iomraidhean Croise

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Ubutukilo 44:30

Kashika muze munguya kuli ngamba yenu tata ni mwana wakuhi hamwe ni yetu, se mwono wenyi unalinungu ni mwono wa mwana;

2 Samuel 1:14

David yamba kuli iye ngwenyi, Kuchi te kwevwile woma wa kwolola kwoko lie mukushiha yoze hanamuwayisa ni maji kuli Yehova?

2 Samuel 1:21

Enu, milundu ya Ngilboa, chipwe mume chipwe vula kanda yikapwila hali yenu, chipwe minda ya milambu, ka. Mumu kwenako lukepwe wa akwa ndundo wapihile, lukepwe wa Saulu, ngwe kamuwayishile ni maji.

2 Samuel 18:3

Alioze e atu yamba ngwo, Kanda nuya, mumu nyi yetu mutuchina kechi kuchilemesa. Chipwe chihanda cha ha muchima cha yetu mutufwa kechi kuchilemesa. Alioze yenu nunalite ni kumi lia tununu twa yetu, kashika hapwa nutwame mu chihunda nukahase kutukwasa.

2 Samuel 19:21

Alioze Abishai mwana Zeluia yamba ngwenyi, Kutuchi kushiha Shimei mumu ha kutuka yoze amuwayishile ni maji kuli Yehova, nyi?

2 Sango Ja Mianangana 35:25

Ni Jeremia yalila Josia, ni njimba eswe a malunga ni a mapwo yamusa mu miaso yo ya kulila mbimbi ndo musono. Yayisela shimbi mu Izalele ngwami, hanayisoneka mu miaso ya mbimbi.

Izaya 32:2

Mba umwe mutu makapwa ngwe chiswamo ha fuji, ngwe uchinyino ha kangonga, makapwa ngwe tupila twa meya muma mumu, ngwe Chizulie cha luliwe lunene mu chifuchi cha yikatalo.

Jeremia 39:5

Alioze maswalale ja A-Kaletea yaahanga, yaliheta ni Zedekia mu yana ya Yeriku, mba muze hamukwata yamuneha kuli Nabukanezore mwanangana wa Babilonia ku Ribila, mu chifuchi cha Hamate. Kwenako yamupatwila.

Jeremia 52:8

Alioze tujita twa A-Kaletea yahanga mwanangana; yawana Zedekia mu yana ya Yeriku, mba tujita twenyi eswe amumwanganyine mwamwa.

Jeremia 52:9

Yakwata mwanangana, yamutwala kuli mwanangana wa Babilonia ku Ribila mu chifuchi cha Hamate. Kwenako amusopeselele.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Ezekiel 12:13

Mungukamuzazulwila wanda wami; makakwachika mu kambwila liami; mungukamutwala ku Babilonia mu chifuchi cha A-Kaletea, alioze kechi kachimona, hindu mafwilako.

Ezekiel 17:18

Kechi kalilamwina mumu walelesele shingo, watangwile usendo. Mumu wahanyine kwoko lienyi, hindu walingile yino yuma yeswe.

Ezekiel 31:17

Neyo muyikaya ku Shiole nawa hamuwika nawo, kuli waze a kushiha ni katana, waze te apwile ngwe kwoko liawo, atwamine mu chihuhumuke chawo hakachi ka mavungu.

Daniel 4:12

Mafwo jawo apema ni mihuko yawo ya kulumbama, yapwile ya kulia eswe. Tushitu a mu yambu yawana chihuhumuke mushi liawo; tujila a mu tetela yatwama mu mitango yawo; mba akwa musunya eswe alileko.

Hosea 13:10

Mwanangana wenu yoze manulamwina kulihi ali? Alemu jenu akwa kunufunga— waze nwambile ngwenu, Twehe mwanangana ni alemu?

Akwa Kuyula 9:15

Mungonga wambile ku mitondo ngwenyi, Nyi nunangupwisa mwanangana wenu ni mbunge jipema hitweyenu nukaswamine mu chihuhumuke chami. Alioze nyi ka, kahia kakatuhuke mu mungonga nikulalisa misedru ya Lebano.

1 Samuel 12:3

Yami uno. Shindakenyenu ha kutwala kuli yami kumeso ja Yehova ni kumeso ja yono hanawayisa. Ngombe jaya natambula? Hanji chimbulu? ya mbongo, iya? Napinjisa iya? Kuli iya natambula chindo ngujike nacho meso jami? Ambenu nguchihilwise.

1 Samuel 12:5

Iye yamba kuli ayo ngwenyi, Yehova chela kuli yenu, ni yono hanawayisa ni maji iye nawa chela musono cha kwamba ngwenu, Kutwawanyine nichimwe mu kwoko lienyi, nyi? O ngwo, Iye chela.

1 Samuel 16:6

Muze heza iye yatala Eliape yamba ngwenyi, Pundu, yoze mamuwayisa kuli Yehova kwali kumeso jami.

1 Samuel 24:10

Ngwami musono meso jenu hamona chize Yehova wanukujikanga mu moko jami mu chivwenge. Amwe angushinjikanga ngunushihe, alioze chanushihile. Nambanga ngwami, Chichi kwolola kwoko liami kulimika ni mwene wami mumu hanamuwayisa kuli Yehova.

1 Samuel 24:6

Yamba kuli malunga jenyi ngwenyi, Yehova angukanjise kulinga chuma chino kuli mwata wami wa kuwayisa ni maji kuli Yehova, ngwolole kwoko liami kulimika nenyi, se Yehova hananuwayisa.

1 Samuel 26:16

Chuma chino walinganga kuchapemene. Ni mwono wa Yehova watela kufwa mumu kwalayilile mwene we wa kuwayisa kuli Yehova. Tala haliapwila kunga lia mwanangana kuze lili; ni mulondo wa meya wapwanga ku mutwe wenyi.

1 Samuel 26:9

Alioze David yamba kuli Abishai ngwenyi, Kanda umwonwona, mumu iya mahasa kusamba nyi masa kwoko lienyi lia kulimika ni yoze Yehova hanamuwayisa?