Lungungu 4:2 - MUKANDA USANDU WA ZAMBI 1975

² Ana alemu a malunga a Zaione afwika oru yilemu, alioze kanatesa ni ndeho ja uma milimo ya moko ja tengi.

Mukanda Wa Zambi 1970

² Akweze a mu Zione te alemu ngwe oru, haliabwila haabwa ngwe ndeho (yimbia) ya uma.

Lungungu 4:2 Iomraidhean Croise

Izaya 30:14

kupulika chacho muchipwa ngwe ndeho ya uma yize mapalwola ni uswi. Hakachi ka yipalupalu yayo chipwe chiyo kechi kuchiwana, chize mambachilaho kahia ka ha jiko, chipwe kuswita nacho meya ku shima.

Izaya 51:18

Hakachi ka ana eswe hasema kukushi niumwe kumusongwela; hakachi ka ana eswe halela kukushi niumwe kumukwata ku kwoko.

Jeremia 19:1

Yehova yamba ngwenyi, Yako ulande mulondo wa tengi, wa uma, ukaye ni amwe makulwana ja atu ni amwe makulwana ja asasendote,

Jeremia 19:11

wambe kuli ayo ngwe, Yehova-wa-Tujita kanambe ngwenyi, Chocho mungushiha vungu lino ni chihunda chino, ngwe akushiha mulondo wa tengi chocho kechi kuhasa kuutokeka nawa. Mafunda mu Tofete mumu kukushi chifuka chikwo nawa.

Jeremia 22:28

Yono lunga Konia kanapu ndeho yimwe yafwa, ya kulelesa, chikwachilo niumwe kachizangile, nyi? Kuchi te iye ni ana jenyi hanaakongo nikwanyasa mu chifuchi kachinyingikine?

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Lungungu 5:12

Alemu kakwazezeleka ku moko jo; kalemesene nichimwe makulwana.

Hosea 8:8

Izalele hanamuli; hanayi kulu hakachu ka mavungu, ngwe chisashili.

Zakaria 9:13

Mumu hinanana Yunda ngwe uta wami, hinapwisa Eframe mwivu wami. Ena Zaione, mungulinga ni ane a malunga kulamba ana a malunga a yena Ngresia. Mungulinga ni yena ngwe uli katana wa kajita.

2 Korintu 4:7

Alioze upite uno tuli nawo mu yikwachilo ya uma, hanga kuhiana cha tachi chikapwe cha kuli Zambi, hi cha kuli yetwene ko.

2 Timoteu 2:20

Achi, mu zuwo linene muyili yikwachilo, hi ya oru ni ya prata wika ko, alioze muyili nawa ya mutondo, ni ya uma; yimwe ku ulemu, ni yikwo ku ulelu.