Lungungu 4:17 - MUKANDA USANDU WA ZAMBI 1975

¹⁷ Meso jatuhwa ni kutalatala, akwa kutukwasa waze kejile. Kutala twatalile vungu limwe lize kuliahashile kulamwina.

Mukanda Wa Zambi 1970

¹⁷ Yitutala taliee, alioze niumwe kejile ko ni kutukwasa. Yitushimbwila ngwetu, hanji limwe vungu meeza, alioze keejile ko.

Lungungu 4:17 Iomraidhean Croise

1 MIANANGANA 24:7

Mwanangana wa Engitu kakatukile nawa mu chifuchi chenyi, mumu mwanangana wa Babilonia watambwile cheswe chapwile cha mwanangana wa Engitu, chize ku lwiji wa Engitu ndo ku lwiji Ufrateze.

Izaya 20:5

Mba kumakalishimwoka ni kutatajala mumu ha kutenga Etiopia kutalatala cho ni ha kulisamba ni A-Engitu.

Izaya 28:18

Mba usendo wenu ni ufwe maushiha; kulitesa chenu ni Shiole kuchichi kakola. Muze chilungo cha kuzemuna muchipalika, munukazemuka nacho.

Jeremia 2:18

Mba haliapwila chika unafumbuka ha kuya ku Engitu ukanwe meya a ku Nilo? Chika unafumbuka ha kuya ku Asuria ukanwe meya a ku Ufrateze?

Jeremia 2:36

Chapwa chilelu kuli yena kuhehwangila nikwalumiona ndako je! Alioze kumakukolesa sonyi kuli A-Engitu chizechene ngwe akukolesele sonyi kuli A-Asuria.

Jeremia 2:37

Kwenako nawa mukatuka suswa mutwe mumu Yehova halituna waze unaafuliela kuchi kuhasa kuwaha no ku yilinga ye.

Jeremia 8:20

Matangwa a kucha hanapalika, mwaka wa vumbi hiwahwa, ulamwino kutwauwanyine!

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 1:7

Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Lungungu 5:6

Hitwahana kwoko lietu kuli A-Engitu, ni kuli A-Asuria hanga tukalie mbolo.

Ezekiel 29:16

Kuuchi kapwa nawa ujikijilo wa munyachi wa Izalele nikwiwuluka uhenge wo muze atalile kuli ayo akaakwase. Henaho makanyingika yami nguli Mwene Yehova.