Lungungu 4:16 - MUKANDA USANDU WA ZAMBI 1975

¹⁶ Yehova mwene haamwanga; kechi kaatala nawa. Kalemesene asasendote nichimwe; kalingile vumbi kuli makulwana.

Mukanda Wa Zambi 1970

¹⁶ Mwene Zambi hikaalwile ko nawa nichimwe, yaahanga iye mwene. Katalile ko nawa kuli mahako jetu, kevwilile ko nawa akwa lutwe jetu keke.

Lungungu 4:16 Iomraidhean Croise

Ubutukilo 49:7

Utenu wo ukashingiwe mumu wasashile chikolo. Ufwatulo wo ukashingiwe mumu wapwile wa uswi. Mungwahandununa muli Yakomba. Mungwamwanga muli Izalele.

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Miaso (Masamu) 106:27

akanungwine munyachi wo hakachi ka mavungu nikwamwanga mu yifuchi.

Miaso (Masamu) 106:44

Hindu wanyongene luyinda wo muze evwile muteto wo.

Izaya 24:2

Mba chize muchipwa ni atu, chocho nawa ni sasendote; chize muchipwa ni ndungo, ni kako chizechene; chize muchipwa ni ndungo-wa-pwo, ni kako chizechene; chize muchipwa ni mukwa kulanda, ni mukwa kukulisa chizechene; chize muchipwa ni mukwa mukuli, ni mwenya mukuli chizechene; chize muchipwa ni mukwa kufwetesa mbwezo, ni mukwa kufweta chizechene.

Izaya 47:6

Natenukine ni atu jami, najilwile chihinga chami, naakunjikile mu kwoko lie, ni yena kwaavwilile keke. Chipwe hali tushinakaji walemesene kanga ye kuhiana.

Jeremia 15:4

Mungwapwisa chuma cha lwaji kuli akwa mawanangana eswe a hashi mumu ha yize yuma Manase, mwana Hezekia, mwanangana wa Yunda walingile mu Yerusaleme.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 52:24

Kapitau ka tulayi yakwata Seraia sasendote mukwa lutwe, ni Zefania sasendote wamuchiali, ni atatu akwa kufunga mapito;

Lungungu 2:20

Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Lungungu 2:6

Hanapuzula chisakila chenyi ngwe chimwe cha kutunga ku naka. Hanapwisa ngundu chihela chenyi cha yiwanyino ya kufunjika. Mu Zaione Yehova hanasulisa yiwanyino ya kufunjika ni masambata. Mu matoto jenyi asasu hanambila ni mwanangana ni sasendote.

Lungungu 5:12

Alemu kakwazezeleka ku moko jo; kalemesene nichimwe makulwana.

Ezekiel 5:10

Kashika malunga malia ana jo a malunga hakachi kenu; ni ana a malunga malia atato, mba mungulinga upatwilo hali yenu, ni waze malisalaho mungukanumwangina ku fuji jeswe.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

Shimbi 32:26

Te nambile kwamba ngwami, Mungwamwanga kusuku. Mungwajimisa ku manyonga ja atu.

Hebreu 8:9

Kuushi kulita ni usendo uze nakwachile ni tulamba twenu ha tangwa lize naakwachile ku kwoko mukwatwala haze lia chifuchi cha Engitu; mumu kanyongonwene mu usendo wami, kashika naahumbwile, chocho anambe Mwene ngwenyi,