Lungungu 4:11 - MUKANDA USANDU WA ZAMBI 1975

¹¹ Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Mukanda Wa Zambi 1970

¹¹ Mwene Zambi yasolola ufwatulo wenyi unji Wahiana; yawika kahia kaze yochela limbo lia Zione liakulu.

Lungungu 4:11 Iomraidhean Croise

Izaya 51:20

Ana je kanalezumuka, kanapombo ku songo lia tapalo lieswe ngwe kai mu lwoji; hazala ni ufwatulo wa Yehova, Zambi ye haakanda.

Jeremia 13:14

Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Jeremia 17:27

Alioze nyi kunuchi kungupanjika, kufunga Sambata nikulitwamina kumbata chiteli nikunjila ku yikolo ya Yerusaleme ha Sambata, munguwika kahia mu yikolo yayo, mba mukalalisa palasiu ja Yerusaleme ni kujima ka.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 2:1

Mwene mu utenu wenyi hanafuku mwana-pwo Zaione ni lelwa. Uhenya wa Izalele hanauchiza mwilu, hanaumbila hashi. Ha tangwa lia utenu wenyi hanavulama chitwamo cha yiliato yenyi.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 2:3

Mu utenu wenyi usasu hanapatula ndundo jeswe ja Izalele; kumeso ja akwa kole hanachiza kuli ayo kwoko lienyi lia chindume. Hanayila mu Yakomba ngwe kahia kakulekwoka ni kulalisa kweswe kwa kujingilika.

Lungungu 2:4

Hanana uta wenyi ngwe mukwa kole ni kwoko lienyi lia chindume lia kusa ngwe mukwa kulimika. Hanashihi kulengumuka cheswe cha meso jetu mu mbalaka ya mwana-pwo Zaione; hanazukula ufwatulo wenyi ngwe kahia.

Lungungu 2:8

Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Lungungu 4:22

Ena mwana-pwo Zaione kastigu ya uhenge we hiyahwa; kechi kukutwamisa nawa mu unjize. Alioze yena mwana-pwo Endome kumakakwaha kastigu, kumakafukula milonga ye.

Ezekiel 22:31

Kashika yinguzukula hali ayo ufwatulo wami. Hinaanongesa ni kahia ka ufwatulo wami. Mwene Yehova kanambe ngwenyi, Hinafwetesa ndako jo ha mitwe yo ene.

Ezekiel 36:18

Chocho nazukwile ufwatulo wami hali ayo ha mukunda wa manyinga aze hamwanga mu chifuchi, ni ha mahamba aze achichishile no.

Ezekiel 6:12

Yoze uli kusuku makafwa ni chilungo. Yoze uli hakamwihi makafwa ni katana; ni yoze malisalaho, kafwile ni yino, mba makafwa ni kapunga. Chocho mungukahwisa ufwatulo wami hali ayo.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Alevi 26:28

mba mungulimika ni yenu ni ufwatulo. Mungunulamba yami mwene yisuho shimbiali ha milonga yenu.

Zefania 2:2

shimbu kanda akolesa shimbi; shimbu tangwa kanda Upalika ngwe yizungu; shimbu utenu usasu wa Yehova kanda unuwana; shimbu tangwa lia ufwatulo wa Yehova kanda linuwana.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Luka 21:22

Mumu wano e matangwa a kukala milonga, hanga yuma yize yeswe yinasonewa yikamanunuke.