Lungungu 4:1 - MUKANDA USANDU WA ZAMBI 1975

¹ Oru yafuwalala Chichize; ye oru yipema hiyalumuka! Mawe alemu asandu anamwangana ku masongo ja matapalo eswe.

Mukanda Wa Zambi 1970

¹ Oru yetu yibema hiyalauluka; mawe abema a mu zuwo lia Zambi haamwangashana mu majila.

Lungungu 4:1 Iomraidhean Croise

Izaya 1:21

Tala chihunda chize chapwile chamwenemwene, hichalumuka chikoi, chapwile cha tò ni upatwilo wa kulita. Te ululi Watwamine muli iye, alioze haliapwila yingalwe wika.

Izaya 14:12

Walimbuka Chichize kwilu, ena Lusiferu, mwana wa kucha! Hakupakula hashi, ena wanungwine mavungu!

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Lungungu 2:19

Katuka, teta ha ufuku ha kuputuka tulayi! Zukula mbunge ye ngwe meya kumeso ja Mwene! Zundula moko je kuli iye ha mukunda wa ana je waze analezumuka ni zala ku songo lia tapalo lieswe.

Ezekiel 22:18

Mwana mutu, munyachi wa Izalele hiunalumuka kuli yami ngwe yinganga. E eswe—prata, ni unengu, ni estanyu, ni utale, ni shumbu mu lutengo—eswe hanalumuka yinganga.

Mika 1:6

Kashika mungupwisa Samaria mulumba mu chifuchi cha washi, kuma kwa kulimina minda ya uva. Munguzukula mawe jenyi mu chikulo ni kufukula fundamentu jenyi.

Mateu 24:2

Alioze waakumbulwile, ngwenyi, Kunwamwene yuma yino yeswe, nyi? Pundu ngunambe kuli yenu ngwami, Kechi kahichika kuno liwe nilimwe ha liwe, lize kechi kalipuzula.

Marku 13:2

Yesu wambile kuli iye ngwenyi, Unamono mazuwo ano anene? Kechi kahichika liwe nilimwe ha liwe likwo, lize kechi kalipuzula.