Lungungu 3:57 - MUKANDA USANDU WA ZAMBI 1975

⁵⁷ Wakundamine muze nakutambikile; wambile ngwe, Kanda wivwa woma!

Mukanda Wa Zambi 1970

⁵⁷ Yiungukumbulula ngwe: ‘Kanda wivwa woma.’

Lungungu 3:57 Iomraidhean Croise

Ubutukilo 26:24

Mba Yehova yasoloka kuli iye ufuku uze wene nikwamba ngwenyi, Yami nguli Zambi ya tatenu Apalahama. Kanda wivwa woma mumu nguli hamwe ni yena. Mungukakuwahisa, mungukokesa akwa munyachi we ha mukunda wa kavumbi kami Apalahama.

1 MIANANGANA 19:6

Mba Izaia yamba kuli ayo ngwenyi, Ambenu kuli mwata wenu ngwenu, Yehova kanambe ngwenyi, Kanda wivwa woma wa maliji wano wevwanga, tuvumbi twa mwanangana wa Asuria hangushililika no.

Miaso (Masamu) 138:3

Tangwa nasanyikine kuli yena wangukumbulwile. Wangutakamishine ni tachi mu mbunge yami.

Miaso (Masamu) 145:18

Yehova hakamwihi ali ni waze eswe aku-tambika kuli iye; waze eswe akutambika kuli iye mu umwenemwene.

Miaso (Masamu) 69:18

Kundama ku mbunge yami uyikule. Ungufwetele kama mumu hali akwa kole jami.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 41:14

Ena katutu Yakomba, kanda wivwa woma, enu malunga a Izalele! Yehova kanambe ngwenyi, Mungunukwasa; Mukwa-Kunukula iye mwe Musandu wa Izalele.

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Jeremia 1:17

Alioze ena, jichika muya we; katuka ukambe kuli ayo yeswe mungukutumina. Kanda wavwila woma, kuchina mungukuvwisa woma kumeso jo.

Yilinga 18:9

Mwene wambile kuli Paulu ha ufuku mu usolwelo ngwenyi, Kanda ukevwa woma, alioze hanjika, kanda ukahola:

Yilinga 27:24

ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

Hebreu 7:19

(Mumu shimbi kuyapwishile nichimwe chuma chingunu), aiioze kusolola cha kutalatala chipema chahiana, ku chize twakukundama kuli Zambi.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.