Lungungu 3:56 - MUKANDA USANDU WA ZAMBI 1975

⁵⁶ Wevwile kulemba chami ngwami, Kanda ujika matwi je ku muteto wami wa kwamba ngwami, Ungulamwine!

Mukanda Wa Zambi 1970

⁵⁶ Muze naliondelele, yiungubanjika.

Lungungu 3:56 Iomraidhean Croise

2 Sango Ja Mianangana 33:13

Yalemba, mba Zambi yamwivwa, yapanjika ku kulembelela chenyi, yamuneha nawa ku Yerusaleme ku wanangana wenyi. Henaho Manase yanyingika ngwenyi, Yehova iye Zambi.

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

Jobe 34:28

Chocho ahetesele muteto wa yiswale kuli iye. Iye wevwile muteto wa akwa lamba—

Miaso (Masamu) 3:4

Nakuteta kuli Yehova ni liji liami, iye kumangukumbulula ku mulundu wenyi usandu. (Litulike.)

Miaso (Masamu) 34:6

Chiswale yono yateta, Yehova yamwivwa, yamupulula ku lamba lienyi lieswe.

Miaso (Masamu) 5:2

Panjika ku liji lia muteto wami, yena uli mwanangana wami kanda Zambi yami, mumu kuli yena mungulemba.

Miaso (Masamu) 5:3

Yena Yehova, ha chimene muwivwa liji liami; ha chimene mungululika kulemba chami kuli yena, mba mungulá.

Miaso (Masamu) 55:1

Zambi, panjika kama ku kulemba chami. Kanda uswama ku kuliumba chami.

Miaso (Masamu) 55:18

Hanakula mwono wami ni sambukila ku jita yize yalimikine ni yami, mumu waze alitachikile ni yami te anji.

Miaso (Masamu) 55:2

Ungwivwe kama, ungukumbulule. Ngunapinji ni chikuma chami nikutwa mikuma.

Miaso (Masamu) 66:19

Alioze chamwenemwene Zambi hanevu; hanapanjika ku liji lia kulemba chami.

Izaya 38:5

Hiluka nawa wambe kuli Hezekia ngwe, Yehova kanambe, mwe Zambi ya kalamba ke David ngwenyi, Hinevwa kulemba che, hinamona masoji je, munguweza ku matangwa je kumi lia miaka ni miaka yitano.

Daniel 9:17

Kashika Zambi yetu, panjika ku kulemba cha kavumbi ke ni ku kuliumba chenyi; ha mukunda wa yena mwene pangulwisa meso je ha zuwo lie lisandu, mumu liatwama lia hululu Mwene.

A-ROMA 8:26

Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika;