Lungungu 3:41 - MUKANDA USANDU WA ZAMBI 1975

⁴¹ Tuzundulenu mbunge jetu ni moko jetu kuli Zambi mwilu ngwetu,

Mukanda Wa Zambi 1970

⁴¹ Tuhanenu mbunge jetu kuli Zambi mwilu ni kulemba ngwetu:

Lungungu 3:41 Iomraidhean Croise

Jobe 11:13

Nyi mbunge ye yinalulama, muzoza moko je kuli iye.

Miaso (Masamu) 134:2

Zundulenu moko jenu kuma kusandu nukafumanyise Yehova.

Miaso (Masamu) 141:2

Kulemba chami chikalite kumeso je ngwe insensu. Muze munguzundula moko jami chikapwe ngwe mulambu wa chingoloshi.

Miaso (Masamu) 25:1

Kuli yena, Yehova, nakuhetula mbunge yami.

Miaso (Masamu) 28:2

Ivwa liji lia kuliumba chami muze mungutambika kuli yena, muze mungwolola moko jami ku chiswamo che chisandu.

Miaso (Masamu) 63:4

Chocho mungukufumanyisa shimbu lieswe nguli ni mwono. Munguzundula moko jami mu jina lie.

Miaso (Masamu) 86:4

Wahisa mbunge ya yami kavumbi ke, mumu kuli yena Mwene nakuhetwila mbunge yami.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

1 Tesalonika 2:8

Chocho nikunufwila chikolo, chatuwahilile kulianyina ni yenu, hi sango lipema wika ko, alioze kulihana yetwene nawa, mumu nwapwile akwetu tunanuzange chikolo.