Lungungu 3:40 - MUKANDA USANDU WA ZAMBI 1975

⁴⁰ Twesekenu majila jetu nikwahengula tukahiluke kuli Yehova!

Mukanda Wa Zambi 1970

⁴⁰ Tuhengulenu majila jetu, tuhilukenu kuli Mwene Zambi.

Lungungu 3:40 Iomraidhean Croise

2 Sango Ja Mianangana 30:6

Kashika mikeji yaya ni mikanda ya mwanangana ni alemu jenyi, ndusu Izalele ni Yunda mweswe. Yatwala liji lia mwanangana ngwenyi, Enu A-Izalele hilukenu kuli Yehova, Zambi ya Apalahama, ni Izake, ni Izalele, hanga iye nawa akahiluke kuli yenu nwasala nwapuluka ku kwoko lia mianangana ja Asuria.

2 Sango Ja Mianangana 30:9

Mumu nyi munuhiluka kuli Yehova usoko wenu ni ana jenu nwavwila keke kuli waze kali no mu ufunge, mba meza nawa ku chifuchi chino. Mumu Yehova Zambi yenu mukwa vumbi ni keke. Kechi kutewulula meso jenyi kuli yenu nyi munuhiluka kuli iye.

Miaso (Masamu) 119:59

Nanyongene ha majila jami, natalikishile yiliato yami mu Shindakenyo je.

Miaso (Masamu) 4:4

Ivwenu woma, kanda nuvulumuna. Lishimwinyenu ni mbunge ja yenwene ha mihela yenu nukahole.(Litulike.)

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Ezekiel 18:28

Mumu hanyonga, hahichika Utanguko uze weswe halinga, kashika kumakatwama ni mwono; kechi kafwa.

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

1 Korintu 11:28

Alioze mutu akalieseke, chocho akalie mbolo, akanwe musenge.

1 Korintu 11:31

Alioze kachi mutulipatwila yetwene, kachi keshi kutupatwila.

2 Korintu 13:5

Liesekenu yenwene kachi nuli mu Ufulielo; sololenu chinyingi hali yenwene. Kuma, kunwanyingikine yenwene, Yesu Kristu mwali muli yenu shina chamwenemwene nwapwa yisáshili, nyi?

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,