Lungungu 3:36 - MUKANDA USANDU WA ZAMBI 1975

³⁶ hanji kuhengesa chikuma cha mutu; yino yuma kuyapemenene Mwene.

Lungungu 3:36 Iomraidhean Croise

2 Samuel 11:27

Mba muze kulila hichahwa David yatuma, yamuneha ku zuwo lienyi yamumbata. Mba yamusemena mwana wa lunga. Alioze chuma halinga David chapihililile Yehova.

Miaso (Masamu) 94:5

Yehova, kakufwenya atu je; kakupinjisa chihinga che.

Yishima 24:12

Chipwe muamba ngwe, Kutwachinyingikine, te mwe mukwa kupezalisa mbunge kachimwene? Mukwa kufunga mwono we kachinyingikine nyi? Te kechi kwononona mutu mweswe nikulita ni milimo yenyi?

Izaya 59:15

Umwenemwene kuwahona; mukwa kukatuka ku yipi kakulipwisa ngwe yoze mamupupa kuli akwo. Yehova wachimwene mba chamupihilile mumu upatwilo wa kulita wakuhi.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Lungungu 3:59

Yehova, hiwamona chipi chize angulingile; Ungupatwile chikuma chami.

Habakuke 1:13

Meso je apema naye, kahashile kumona yipi; kwahashile kutala uhenge. Kuchi te wakutala malunga a mafwefwe? Kuchi te wakuhola muze chingulungulu mamina mutu yoze wamuhiana ni ululi?

Shimbi 25:1

Kachi kulihangujola chimwe muchipwa hakachi ka malunga, maheta ha lwaza mba ngaji maapatwila, asambise mukwa ululi, ahise chingulungulu.