Lungungu 3:32 - MUKANDA USANDU WA ZAMBI 1975

³² Chipwe mavwisa chinyengo, hindu mapwa ni keke nikulita ni kulumbama cha utu wenyi wa zango.

Mukanda Wa Zambi 1970

³² Mahasa kutuvwisa chinyengo, alioze kakutuzanga kuhiana.

Lungungu 3:32 Iomraidhean Croise

1 MIANANGANA 13:23

Alioze Yehova yaavwila vumbi ni keke; yaanyonga mumu ha usendo wenyi ni Apalahama, ni Izake, ni Yakomba. Kasolo kwaonwona, kanda achiambila kumeso jenyi.

Miaso (Masamu) 103:11

Mumu ngwe malilu akusuha helu lia hashi, chocho watoha utu wa zango lienyi kuli waze akumuvwila woma.

Miaso (Masamu) 30:5

Mumu utenu wenyi wa shimbu likepekepe wika, vumbi lienyi mulipwa lia miaka yeswe ya mwono wetu. Hanji malilo mapwa ha ufuku, alioze ha chimenemene uwahililo muwiza.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Kutuhuka 2:23

Ha kupalika miaka yize yinji mwanangana wa Engitu yafwa. Mba A-Izalele afwile mikuma mumu ha mukunda wa upinji; atetele, mba muteto wo wahetele kwilu kuli Zambi, mumu ha mukunda wa upinji.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Izaya 27:8

Ha kwachiza nikulita ni cheseko, walitachikile no; yaachiza ni kangonga kenyi musasu ha tangwa lia fuji ya ku Chivumbuko.

Izaya 54:7

Ha kashimbu kakepekepe nakwehukile, alioze mungukakukonga ni keke yinji.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Nahume 1:12

Yehova kanambe ngwenyi, Chipwe mapwa akwa tachi anji hindu makasutuka, makajimuka. Chipwe hinanuyindamisa, chichi kanuyindamisa nawa.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Akwa Kuyula 10:16

Chocho ambilile hakachi ko mazambi a tundaka apwile no. Alingilile Yehova mba iye wevwilile kupiha luyinda wa Izalele.