Lungungu 3:25 - MUKANDA USANDU WA ZAMBI 1975

²⁵ Yehova iye mupema kuli waze akungutwaminyina kuli yoze wakumufupa.

Mukanda Wa Zambi 1970

²⁵ Mwene Zambi kali mubema kuli eswe waze akujikijila hali iye.

Lungungu 3:25 Iomraidhean Croise

Ubutukilo 49:18

Yehova, ngunatwaminyina ulamwino we.

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

2 Sango Ja Mianangana 19:3

Hindu yimwe yuma yipema hayiwana muli yena se wachijile Ashera mu chifuchi, mba wasele mbunge ye kufupa Zambi.

2 Sango Ja Mianangana 30:19

waze masela mbunge jo kufupa Zambi Yehova, mwe Zambi ya tulamba two, chipwe kalingile nikulita ni shimbi ja zuwo lisandu ja kulipemesa.

2 Sango Ja Mianangana 31:21

Milimo yeswe yaputuka mu uvumbiko wa zuwo lia Zambi, ni mu shimbi, ni mu maliji, akafupe Zambi yenyi, yalinga ni mbunge yeswe, kashika milimo yenyi yiyiwaha.

Ezra 8:22

Mumu sonyi nevwile kwita kuli mwanangana mbunga ya maswalale ni tuvwalu kutufunga kuli akwa kole mu jila, se hitwamba kuli mwanangana ngwetu, Kwoko lia Zambi lili hali waze eswe akumufupa kwalinga chipema; alioze tachi jenyi ni Utenu wenyi kuyakulimika ni waze eswe akumwehuka.

Miaso (Masamu) 105:3

Lisambenu mu jina lienyi lisandu. Mbunge ja akwa kufupa Yehova jikawahilile.

Miaso (Masamu) 119:2

Kawaha waze atunga Shindakenyo jenyi; waze amufupa ni mbunge yeswe.

Miaso (Masamu) 22:26

Yimbovu kumalia nikukuta; waze akufupa Yehova mamuhalisa; mbunge ye yitwame ni mwono ku miaka ya mutolo.

Miaso (Masamu) 25:8

Yehova iye mupema kanda mukwa ululi, kashika mafumba yivulumunyi mu jila.

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Miaso (Masamu) 27:8

Muze wambile ngwe, Fupa meso jami, mbunge yami yakumbulwile ngwami, Meso je mungufupa, Yehova.

Miaso (Masamu) 37:34

Twaminyina Yehova. Funga jila yenyi, mba makunangamisa ukahinge chifuchi. Muze mapatula yingulungulu mukachimona.

Miaso (Masamu) 37:7

Hwima hali Yehova, umutwaminyine ni uhumikizo. Kanda ulifwita mumu hali yoze wakuwaha mu jila yenyi, hanji hali yoze wakumanununa kutaka chenyi chipi.

Miaso (Masamu) 39:7

Mba haliapwila Mwene, yika ngunashimbwila? Kutalatala chami chili muli yena.

Miaso (Masamu) 61:1

Zambi ivwa kama muteto wami. Panjika kama ku kulemba chami.

Miaso (Masamu) 61:5

Mumu yena Zambi hiwevwa yilakenyo yami, hiwangwaha chihinga cha waze akuvwila woma jina lie.

Miaso (Masamu) 69:32

Yimbovu hanachimono, no anawahilila. Enu eswe nwakufupafupa Zambi, mbunge jenu jikatwame ni mwono.

Miaso (Masamu) 71:14

Alioze yami mungutala matangwa eswe; nikuweza hindu uhaliso kuli yena weka ni weka.

Izaya 25:9

Ha tangwa lize mamba ngwo, Mwe Zambi yetu yono! Twamutwaminyinyine atulamwine. Mwe Yehova yono twatwaminyinyine tuwahililenu ni kulikwiza ni ulamwino wenyi.

Izaya 26:9

Mbunge yami kuyakukuvwila usona ha ufuku; spiritu yami muchima kuyakukufupa ni tachi. Mumu muze upatwilo we muupwa hashi, mba akwa muno-muze malilongesa ululi.

Izaya 30:18

Kashika Yehova kanashimbula akanulinge vumbi; kashika kanalinangamisa ha kunuvwila keke. Mumu Yehova iye Zambi ya ululi, kawaha waze mamutwaminyina.

Izaya 40:31

alioze waze matwaminyina Yehova kumakahuzulula tachi jo, kumakazezuka ni mapulwa ngwe pupa, kumakazomboka ni yikatalo yakuhi, kumakenda ni kulezumuka ka.

Izaya 55:6

Fupenu Yehova shimbu munuhasa kumuwana, mutambikenu shimbu achili hakamwihi.

Izaya 64:4

Chize ku shakulu niumwe kandevwa, chipwe kusa chinyingi ni matwi jenyi, nilimwe liso kanda limona umwe Zambi shina yena mwene, yoze wakulingila akwa kumutwaminyina.

Lungungu 3:26

Chinapeme mutu akatwaminyine ulamwino wa Yehova nikulifwita ka.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Zefania 3:8

Kashika Yehova kanambe ngwenyi, Ngutwaminyine ndo tangwa lize mungumana ngwe chela. Mumu chize hinapatula mu mbunge ngwami, Kukunga mavungu nikukungulula mawanangana hanga ngukaazukwile ufwatulo wami; kusasaminya cheswe cha utenu wami. Mumu akwa hashi eswe makajimuka mu kahia ka ufwatulo wami wa ukwa.

1 Tesalonika 1:10

nikutwaminyina Mwanenyi ku malilu, yoze amuhindwishile hakachi ka afu, iye Yesu, yoze wakutupulula ku utenu uze muwizaho.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.