Lungungu 3:23 - MUKANDA USANDU WA ZAMBI 1975

²³ Yakupwa yaha tangwa ha tangwa; uli wa jika liakulu.

Mukanda Wa Zambi 1970

²³ tangwa ha tangwa yakubwa yaha, kuyakubwa ni shindakenyo ngwe kuvumbuka cha tangwa.

Lungungu 3:23 Iomraidhean Croise

Miaso (Masamu) 146:6

Yoze watangile lilu ni hashi, ni kalunga-lwiji, ni yize yeswe yilimo. Yoze wakufunga umwenemwene ku miaka ya mutolo.

Miaso (Masamu) 30:5

Mumu utenu wenyi wa shimbu likepekepe wika, vumbi lienyi mulipwa lia miaka yeswe ya mwono wetu. Hanji malilo mapwa ha ufuku, alioze ha chimenemene uwahililo muwiza.

Miaso (Masamu) 36:5

Utu wa zango lie uli mwilu, Yehova. Kushishika che chaheta ndo ku malelwa.

Miaso (Masamu) 36:6

Ululi we wapwa ngwe milundu yisuku. Upatwilo we wapwa ngwe yimwe jondo yinene. Yena Yehova wakulamwina ni atu ni tushitu.

Miaso (Masamu) 89:33

Hindu chichi kumuchiza liakulu utu wa zango liami. Umwenemwene wami chichi kuutayiza kuhona.

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Izaya 33:2

Yehova, utulinge vumbi; tunakutwaminyina. Upwe kwoko kuli yetu tangwa ha tangwa ha chimenemene, upwe ulamwino wetu ha tangwa lia lamba.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 10:23

Tulalaminyenu ku kutayiza cha kutalatala chetu, nikulihiza ka; mumu yoze walakenyene iye mukwa jika.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.