Lungungu 2:9 - MUKANDA USANDU WA ZAMBI 1975

⁹ Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Mukanda Wa Zambi 1970

⁹ Yajilo hiyanjila hashi, ni ye yikungo yayo hiyabatwoka. Mwanangana ni e alemu haliabwila kaali mu undungo. Hikeeshi kulongesa nawa Shimbi; akwa munanyi keeshi nawa ni Usolwelo wa kuli Mwene Zambi.

Lungungu 2:9 Iomraidhean Croise

1 MIANANGANA 25:7

Yashiha ana ja Zedekia a malunga kumeso jenyi, mba yamulokola meso jenyi. Yamukashila mu malenge; yamutwala ku Babilonia.

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

Nehemia 1:3

Yangulweza ngwo, Masalila waze a ku unjize aliko mu chifuchi kanatwama mu huli ni sau. Chipanga-cha-mawe cha Yerusaleme nawa chapuzuka ni yajilo yacho hiyawema ni kahia.

Miaso (Masamu) 74:9

Kutwamwene yilayi yetu. Kukushi nawa profeta niumwe. Niumwe keshiko hakachi ketu yoze manyingika muze mwaka muusula.

Izaya 24:12

Chihunda hanachihichika cha hululu; mapito hanaapupu ndo hapujieka.

Jeremia 14:14

Yehova yamba kuli yami ngwenyi, Aprofeta anaprofeteza mahuza mu jina liami. Ami chaatumine, chipwe kwaaha liji chipwe kuhanjika no. Kanaprofeteza kuli yenu usolwelo wa mahuza, ngombo yamokomoko, ni kwonga cha mu manyonga jo ene.

Jeremia 23:16

Yehova-wa-Tujita kanambe ngwenyi, Kanda nupanjika ku maliji ja aprofeta waze akuprofeteza kuli yenu nikunuzalisa ni kutalatala chamokomoko. Kakuhanjika yilota ya mu manyonga jo ene; kahanjikile ni kanwa lia Yehova.

Jeremia 39:2

Ha mwaka kumi ni kashi wa Zedekia ni kakweji wamuchiwana ni tangwa liamuchilivwa lia kakweji, chihunda yachilokola.

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Jeremia 51:30

Tujita twa Babilonia hanalitwamina kwasa jita; kanatwama mu yiswamo yo. Tachi jo hijahwa, hanalumuka ngwe mapwo. Mazuwo jako kanaweme, ni njalo jenyi hijinamakuka.

Jeremia 52:14

Mba maswalale aze eswe ja A-Kaletea waze ejile ni kapitau ka tulayi apuzwile yipanga-ya-mawe ya Yerusaleme kwa kujingilika.

Lungungu 1:3

Yunda hanayi ku unjize mumu ha luyinda ni undungo ukalu. Haliapwila kanatwama hakachi ka mavungu alioze kawanyine uhwimino; akwa kumuhanga hamukwata hakachi ka kulifwita chenyi.

Lungungu 4:15

Atu atambikile kuli ayo ngwo, Katukenu akwa luchisa! Katukenu! Katukenu! Kanda nungukwata! Chocho alumukine akwa kuchina, yendanganyi; atu ambile hakachi ka mavungu ngwo, Kechi katwama ni yetu nawa.

Lungungu 4:20

Mwiku wa mu mazulu jetu, yoze wa kuwayisa ni maji kuli Yehova, hamukwata mu mawumbu jo, yoze te twambile ngwetu, Mututwama hakachi ka mavungu mu Chizulie chenyi.

Ezekiel 12:13

Mungukamuzazulwila wanda wami; makakwachika mu kambwila liami; mungukamutwala ku Babilonia mu chifuchi cha A-Kaletea, alioze kechi kachimona, hindu mafwilako.

Ezekiel 17:20

Mungukamuzazulwila wanda wami; makakwachika mu kambwila liami, mba mungukamuneha ku Babilonia ni kusopa nenyi kuze kwene ha utwahe uze hangulinga.

Ezekiel 7:26

Lamba linakaula lamba. Saki jinakaula saki. Kanafupu usolwelo kuli profeta alioze ye shimbi hiyatoka kuli sasendote, ni chiyulo hichatoka kuli makulwana.

Hosea 11:6

Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Amose 1:5

Mungumakuna njalo ja Ndamaseku, mungutetaho waze atwama mu chikulo cha Avene; munguteta ku Mbete-Endene mwe mukwa lukanda, ni atu ja Seria maya ku unjize ku Kiri. Chocho kanambe Yehova.

Shimbi 28:36

Yehova makanuhetesa ni yenu ni mwanangana wenu nwamutongwele anuyule ku vungu limwe yenu kunwalinyingikine, chipwe yenu, chipwe akakenu, munukavumbikako tuzambi tweka, te mitondo ni mawe.

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

1 Samuel 28:6

Alioze muze Saulu yahula kuli Yehova, Yehova kamukumbulwile chipwe ku yilota chipwe ku Urimi chipwe kuli aprofeta.