Lungungu 2:8 - MUKANDA USANDU WA ZAMBI 1975

⁸ Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Mukanda Wa Zambi 1970

⁸ Mwene Zambi hanabatula ngwenyi, yipanga ya Zione chatamba kuyibuzula; hanayenyeka ha kushindakenya ngwo, yeswe chatamba kubuzuka. Haliabwila zuwo lisuku ni ye yipanga hiyabuzuka hamuwika.

Lungungu 2:8 Iomraidhean Croise

2 Samuel 8:2

Yalamba A-Moape. Yaapombesa hashi nikwafunjikila mufunda. Yafunjika mifunda yiali ya kushiha, ni mufunda wa muwundu wa kufunga ni mwono. A-Moape yalumuka ngamba kuli David. Yamunehena milambu.

1 MIANANGANA 21:13

Mungutachika ha Yerusaleme muhipu wa Samaria ni prumo ya munyachi wa Ahabe. Mungukusumuna Yerusaleme ngwe lunga makusumuna chenga nikuchikusumuna nikuchalumuna.

Jobe 13:21

Chiza kwoko lie kusuku ni yami; ni kanda unguchikimisa ni mwongo we.

Izaya 22:5

Mumu Mwene Yehova-wa-Tujita kali ni tangwa lia Chizungozungo ni kuliataliata ni kutatajala mu chikulo cha usolwelo. Cho kupupa yipanga-ya-mawe ni kukalumioka ku milundu!

Izaya 28:17

Upatwilo wa kulita munguupwisa muhipu wami wa kufunjika nawo, ni ululi muupwa prumo yami. Chiwe muchikahungumuna chiswamo cha mahuza, ni meya makazemuna we uchinyino.

Izaya 3:26

Yajilo yako muyilila ni kulishimwoka; matwama hashi mumu hamupupa.

Izaya 34:11

Alioze toji ni chisekele machizuka; chikungulu ni chikwakwalo matungamo. Kumakachifunjika ni muhipu wa kutatajala; alemu jacho maeseka ni prumo ya ulumbuke.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Jeremia 14:2

Yunda kanalishimwoka ni yikolo yenyi yinahongo. Atu jenyi kanalili mbimbi hashi, ni muteto wa Yerusaleme unahiohio.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 2:18

Teta ni tachi kuli Mwene, yena mwana-pwo Zaione. Masoji akapukumuke ngwe muhwiji mwalwa ni ufuku! Kanda uhwima; kanda utayiza meso je kulitwamina.

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Lungungu 2:5

Mwene hanalumuka ngwe mukwa kole, hanonwona Izalele. Hanonwona palasiu jamo; hanapuzula mbonge jamo; hanokesa kulishimwoka ni lungungu muli mwana-pwo Yunda.

Ezekiel 20:22

Alioze yingukokolola kwoko liami, yingulinga ha kulemesa jina liami hanga kulichi kajiluka kumeso ja mavungu, kumeso jo naatuhwishile.