Lungungu 2:4 - MUKANDA USANDU WA ZAMBI 1975

⁴ Hanana uta wenyi ngwe mukwa kole ni kwoko lienyi lia chindume lia kusa ngwe mukwa kulimika. Hanashihi kulengumuka cheswe cha meso jetu mu mbalaka ya mwana-pwo Zaione; hanazukula ufwatulo wenyi ngwe kahia.

Mukanda Wa Zambi 1970

⁴ Yanana mata jenyi hali yetu ngwe umwe mukwa kole; yashiha eswe waze abwile uwahililo ni chiseke chetu. Yevwila Zione ufwatulo uze unalekwoka ngwe kahia.

Lungungu 2:4 Iomraidhean Croise

2 Sango Ja Mianangana 34:21

Yénu nuhule kuli Yehova hali yami ni hali waze anasala ja A-Izalele ni A-Yunda ha kutwala ku maliji a mukanda uno hinwawana; mumu ufwatulo wa Yehova wunji chikolo unazukuka hali yetu mumu atata kafungile liji lia Yehova kulinga nikulita ni yeswe yinasonewa mu mukanda uno.

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Jobe 19:11

Hanakasumuna ufwatulo wenyi kulimika ni yami; kakungumona nguli mukwa kole yenyi.

Jobe 6:4

Mumu mivu ya Mukwa-Ndundo-Jeswe hiyangutwa; mbunge yami kuyinanu utende wayo; yuma ya Zambi ya kukolesa mwongo yeswe yalilonga kulimika ni yami.

Miaso (Masamu) 37:14

Yingulungulu hatomona katana, hanana uta wo, akalimbule chiswale ni mukwa kuhona, akashihe akwa kululama mu jila.

Miaso (Masamu) 7:13

Hanaululikila yitwa ya kufwa, hapwisa mivu yenyi ya kahia.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Izaya 63:6

Naliachile mavungu mu utenu wami, nazengewesele mavungu mu ufwatulo wami, nazujile hashi manyinga ja mwono wo.

Jeremia 10:20

Mbalaka yami hanayenyeka ni mihipu yami yeswe hiyinapatuka. Ana jami eswe hanayi, keshiko. Kukushi yoze manguzazulwila mbalaka yami nawa, hanji kuzezeleka kurtina jami.

Jeremia 21:12

Enu munyachi wa David! Yehova kanambe ngwenyi, Ha chimene patulenu ni upatwilo uze unalite, pululenu ku kwoko lia mukwa kupinjisa yoze hamwiya, kuchina ufwatulo wami muutuhuka ngwe kahia ukalekwoke ni yoze maujima wakuhi mumu ha yitanga yenu yipi.

Jeremia 21:5

Yami mwene mungwasa jita ni yenu ni kwoko lia kuzoza ni lia tachi, ni utenu, ni chijinde, ni ufwatulo unene.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 1:13

Kwilu watumine kahia; kakanjile ndusu mu yifwaha yami. Hatela wanda ha yiliato yami, hanguhilwisa kunyima, hanguhichika pwililili ni upekepeke tangwa lieswe nganganga.

Lungungu 2:5

Mwene hanalumuka ngwe mukwa kole, hanonwona Izalele. Hanonwona palasiu jamo; hanapuzula mbonge jamo; hanokesa kulishimwoka ni lungungu muli mwana-pwo Yunda.

Lungungu 3:3

Pundu kakutalikisa kwoko lienyi kulimika ni yami kanji kanji tangwa lieswe nganganga.

Lungungu 4:1

Oru yafuwalala Chichize; ye oru yipema hiyalumuka! Mawe alemu asandu anamwangana ku masongo ja matapalo eswe.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 13:13

Kashika Mwene Yehova kanambe ngwenyi, Mu ufwatulo wami mungukatuma fuji ya kangonga; mu utenu wami kumukukapwa muhwiji wa vula, ni chiwe chinene mu ufwatulo ngukachonwone.

Ezekiel 20:34

Mungukanuchiza hakachi ka mavungu; mungukanukonga ku yifuchi kuze nunamwanganyina, ni kwoko lia ndundo ni lia kuzoza, ni ufwatulo wa kuzukula.

Ezekiel 22:22

Ngwe prata kakusangunuka mu lutengo chocho ni yenu nawa munukasangunukamo mba munukanyingika yami Yehova hinazukula ufwatulo wami hali yenu.

Ezekiel 24:25

Ni yena mwana mutu, ha tangwa lize mungukaatambula chihunda cho cha kukolesa, uwahililo wo ni uhenya wo, ni chize meso jo kakuwahilila nacho ni mbunge jo kujakuzanga, hamwe ni ana jo a malunga ni a mapwo.

Ezekiel 36:18

Chocho nazukwile ufwatulo wami hali ayo ha mukunda wa manyinga aze hamwanga mu chifuchi, ni ha mahamba aze achichishile no.

Ezekiel 5:13

Chocho utenu wami muukahwa, mungukazukula ufwatulo wami hali ayo nikuliyukisa, mba makanyingika ngwo, Yehova hanahanjika ni ukwa wenyi, muze mungukazukula ufwatulo wami hali ayo.

Ezekiel 6:12

Yoze uli kusuku makafwa ni chilungo. Yoze uli hakamwihi makafwa ni katana; ni yoze malisalaho, kafwile ni yino, mba makafwa ni kapunga. Chocho mungukahwisa ufwatulo wami hali ayo.

Ezekiel 7:14

Hasunga chitavwi, halulika yuma yeswe, alioze niumwe kayile ku jita mumu ufwatulo wami washata mbunga yo yeswe.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Nahume 1:2

Yehova iye Zambi ya ukwa, mukwa kukala milonga. Yehova mukwa kukala milonga ni ufwatulo. Yehova kakufwetesa akwa kulimika nenyi; akwa kole jenyi kakwatulikila ufwatulo wenyi.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.

1 Samuel 28:16

Samuel yamba ngwenyi, Nyi Yehova hanakumbu nyima, hanalumuka mukwa kole kuli yena kuchi te unanguhula yami?