Lungungu 2:3 - MUKANDA USANDU WA ZAMBI 1975

³ Mu utenu wenyi usasu hanapatula ndundo jeswe ja Izalele; kumeso ja akwa kole hanachiza kuli ayo kwoko lienyi lia chindume. Hanayila mu Yakomba ngwe kahia kakulekwoka ni kulalisa kweswe kwa kujingilika.

Mukanda Wa Zambi 1970

³ Mu ufwatulo wenyi yanyikumuna tachi jeswe ja Israele; Yalituna kutukwasa muze ejile akwa kole. Yalimika ni Yakoba ngwe kahia, yonona yuma yeswe.

Lungungu 2:3 Iomraidhean Croise

2 Sango Ja Mianangana 34:25

Mumu hanangwehuka; hanochela insensu mazambi akwo akangwihie ku utenu ni yitanga yeswe ya moko jo. Kashika ufwatulo wami unazukuka ha chifuchi chino, mba kuuchi kahola.

Jobe 16:15

Hinalitongela chikeleyi ha kowa liami; hinasa tachi jami mu fufuta.

Miaso (Masamu) 132:17

Kwenako mungusokolokesa mbinga ya David. Hingunalulika ndeya hali yoze namuwayishile ni maji.

Miaso (Masamu) 74:11

Kuchi te wakuhilwisa kwoko lie, kwoko lie lia chindume? Lichize mu tulo ye ukaalalise.

Miaso (Masamu) 75:10

Mbinga jeswe ja yingulungulu mungujipatula, alioze mbinga ja akwa ululi kumajihetula.

Miaso (Masamu) 75:5

Kanda nuhetula mbinga mwilu, kanda nuhanjika nikukalisa kota.

Miaso (Masamu) 79:5

Yehova, ndo mwiji muka? Mukatenuka ku miaka ya mutolo, nyi? Ukwa we muuyila ngwe kahia, nyi?

Miaso (Masamu) 89:24

Alioze umwenemwene wami ni utu wa zango liami muyikatwama nenyi. Makanangamisa mbinga yenyi mu jina liami.

Miaso (Masamu) 89:46

Yehova, ndo mwiji muka? Kuswama che muchipwa cha mutolo nyi? Ndo mwiji muka ufwatulo we muulekwoka ngwe kahia?

Izaya 1:31

Mukwa tachi malumuka ngwe uhu, ni milimo yenyi muyipwa leka lia kahia, yeswe ni yiali muyiwema hamuwika, ni yoze mayijima wakuhi.

Izaya 42:25

Kashika wazukwile hali iye kusasaminya cha utenu wenyi, hamwe ni ndundo jenyi ja jita. Wamuchochekele kahia kwa kujingilika, alioze kuchamulumbunukine. Wamwochele alioze kachisele mbunge.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 48:25

Lumbinga wa Moape hanamupatula; kwoko lienyi hiliamakuka. Chocho kanambe Yehova.

Jeremia 7:20

Kashika Mwene Yehova kanambe ngwenyi, Utenu wami ni ufwatulo wami kumuukazukuka homa hano hali atu, ni yimuna, ni ha mitondo ya mu minda ni ha mihuko ya mavu, kumuukalekwoka, kechi kuhasa kuujima.

Lungungu 1:13

Kwilu watumine kahia; kakanjile ndusu mu yifwaha yami. Hatela wanda ha yiliato yami, hanguhilwisa kunyima, hanguhichika pwililili ni upekepeke tangwa lieswe nganganga.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 13:13

Kashika Mwene Yehova kanambe ngwenyi, Mu ufwatulo wami mungukatuma fuji ya kangonga; mu utenu wami kumukukapwa muhwiji wa vula, ni chiwe chinene mu ufwatulo ngukachonwone.

Ezekiel 7:14

Hasunga chitavwi, halulika yuma yeswe, alioze niumwe kayile ku jita mumu ufwatulo wami washata mbunga yo yeswe.

Nahume 1:6

Iya mahasa kulikoleza ku ufwatulo wenyi? Iya mahasa kujikiza mu chivukuminya cha utenu wenyi? Kakuzukula ufwatulo wenyi ngwe kahia; kakupula ndusu yimawe.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Luka 1:69

Hanasolola mbinga ya ulamwino hali yetu mu zuwo lia David kavumbi kenyi.

Luka 3:17

Chifujilo chenyi mu kwoko lienyi chili, kumakapemesa liakulu chizungwilo chenyi; iye kumakakungika tiliku mu chila yenyi; alioze yizungu kumakayocha ni kahia kaze kukeshi kuhasa kujima.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.