Lungungu 2:22 - MUKANDA USANDU WA ZAMBI 1975

²² Walakenyene mwongo wami wa jita sali ni sali ngwe ku tangwa lia chiwanyino cha kufunjika, mba ha tangwa lia utenu wa Yehova niumwe wombokele, niumwe walisalile. Te waze nakangayikine, waze nalelele mukwa kole yami waonwene.

Mukanda Wa Zambi 1970

²² Walakenyene akwa kole jami ngwe ha tangwa lia chiwanyino anguvwise woma. Niumwe wahashile kama kuchina ha tangwa lia ufwatulo we. Haashiha ana jami, waze naalelele ni waze te nakuzanga.

Lungungu 2:22 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Miaso (Masamu) 31:13

Mumu hinevwa kulamikiza cha anji, ni woma sali ni sali, shimbu mangutwama punga. Alitesele kuchiza mwono wami.

Izaya 28:19

Chisuho cheswe muchipalika muchinumbata; mumu muchipalika ha chimene ha chimene, ni mwalwa ni ufuku, mba kumuchikapwa we mwongo lume muze sango mujinulumbunuka.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 14:19

Hiunalitunu Yunda liakulu? Mbunge ye kuyazangile nawa Zaione? Kuchi te hiunatulambe ni kuwuka chakuhi? Twataliletalile uhwimino alioze chipema nichimwe kuchejile. Twataliletalile mwaka wa kuwuka alioze mwongo wejile.

Jeremia 20:3

Muze hikwacha Pashure yeza kumuyikula mu kuli mba Jeremia yamba kuli iye ngwenyi, Yehova kakuhele nawa jina lia Pashure, alioze Magore-misavwe.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 44:7

Haliapwila Yehova Zambi-ya-Tujita, mwe Zambi ya Izalele kanambe ngwenyi, Kuchi te nunalingi chuma chino chipi chikolo cha kulimika ni yenwene, nukatete hakachi ka A-Yunda malunga, ni mapwo, ni kemba, ni mwana, ni masalila akuhi?

Jeremia 46:5

Kuchi te nachimona? Hevwa mwongo, hahilukila kunyima. Tujita two halambama, hachina fuji. Katalile kunyima— mwongo sali ni sali! Chocho kanambe Yehova.

Jeremia 6:25

Kanda nutuhuka kuya ku munda, chipwe kwenda mu jila, mumu mukwa kole kali ni katana, mwongo uliko sali ni sali.

Shimbi 28:18

Ana a ku mijimba yenu makashingiwa, ni mbuto ya mavu jenu, ni kwoka cha yimuna jenu, ni ana ja mapanga jenu.