Lungungu 2:21 - MUKANDA USANDU WA ZAMBI 1975

²¹ Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Mukanda Wa Zambi 1970

²¹ Twanuke ni tushinakaji kaakufwila mu majila, akweze a malunga ni a mapwo kaakufwa ku mikwale ya akwa kole jo. Hiwaashiha ni keke kama ka ha tangwa lia ufwatulo we.

Lungungu 2:21 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Estere 3:13

Yatuma mikanda ni mikeji ku yifuchi yeswe ya mwanangana akakuwise, akashihe, akanongese A-Yunda eswe ni twanuke ni makulwana, ni ana a kemba ni mapwo, ha tangwa limuwika, lie tangwa kumi ni liamuchitatu lia kakweji kumi ni wamuchiali (Adare) akatambule upite wo wa kupunda.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 13:14

Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Jeremia 18:21

Kashika kunjika ana jo ku kapunga; wakunjike ku chiyulo cha katana. Mapwo jo apwe ndumba ni tuliwa. Malunga jo akafwe ni chilungo, ni akweze jo akaashihe ni katana mu jita.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 51:22

ni yena mungupalwola lunga ni pwo; ni yena mungupalwola kashinakaji ni mwana-lunga; ni yena mungupalwola mukweze ni mwana-pwo;

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Lungungu 1:15

Mwene walelesele malunga jami eswe a ndundo hakachi kami. Wasanyikine chikungulwila cha kulimika ni yami akafwenye akweze jami. Mwene haliata mwe mwana-pwo virgem Yunda ngwe ukamino wa uva.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 2:2

Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Lungungu 3:43

Hiwalifuka ni utenu nikutuhanga nikumushiha ni keke yakuhi.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 5:11

Kashika Mwene Yehova kanambe ngwenyi, Ni mwono wami, se yenu hinwachisa zuwo liami lisandu ni yuma yenu yeswe ya kuvwisa kupiha, ni yuma yenu yeswe ya lwaji, kashika mungukanutepulula. Liso liami kulichi kanuvwila vumbi, chichi kanuvwila keke.

Ezekiel 7:4

Liso liami kulichi kanuvwila vumbi, chichi kanuvwila keke, alioze mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova.

Ezekiel 7:9

Mumu liso liami kulichi kanuvwila vumbi; chichi kanuvwila keke. Mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova, mukwa kulamba.

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Ezekiel 9:10

Ni yami, liso liami kulichi kaavwila vumbi, chichi kaavwila keke, alioze mungwahilwisa fweto yo ha mitwe yo.

Amose 4:10

Natumine hakachi kenu chilungo ngwe chize cha Engitu; nashihile akweze jenu ni katana; nambachile tuvwalu twenu; napwishile yilombo yenu ya kukupuka vumba lipi mu mazulu jenu. Hindu kunwahilukile kuli yami. Chocho kanambe Yehova.

Amose 8:13

Ha tangwa lize *avirgem apema ni akweze makalezumuka ni pwila.

Zakaria 11:6

Mumu Yehova kanambe ngwenyi, Chichi kapwa nawa ni keke hali akwa chifuchi chino. Nyingikenu, mungukalimbwisa mutu mweswe mu kwoko lia kafunga kenyi. Mutu mweswe mungukamukunjika mu kwoko lia mwanangana wenyi mba makafwenya hashi. Chichi kapulula niumwe ku moko jo.

Shimbi 28:50

vungu lia meso akalu, kulichi kalemesa makulwana, chipwe kulweza vumbi kuli twanuke,

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.