Lungungu 2:20 - MUKANDA USANDU WA ZAMBI 1975

²⁰ Yehova, tala ukamone! Neya walinga chuma chino? Te chinalite mapwo kulia ana jo ana aze haafunga ni vumbi lipwa haha? Hanji chinalite sasendote ni profeta akaashihe muma musandu wa Mwene?

Mukanda Wa Zambi 1970

²⁰ Mwene Zambi, achitala chize wakumwesa atu lamba! Mapwo kaakulia ana jo waze te akuzanga! Mahako ni akwa munanyi kaakwasukikila mwe mu zuwo lia Zambi kuli akwa kole!

Lungungu 2:20 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Miaso (Masamu) 78:64

Asasendote afwile ku katana; tuliwa jo kalilile mbimbi.

Kutuhuka 32:11

Mose yamba kuli Yehova Zambi yenyi ngwenyi, Yehova, kuchi te utenu we unasasaminya hali atu je, waze waachijile ku chifuchi cha Engitu ni tachi jinji, ni kwoko lia ndundo?

Izaya 22:2

nwazala ni kukalumioka, chihunda cha Chizungozungo chihunda cha kulikwiza? Afu jenu kaashihile ni katana hanji mu jita.

Jeremia 19:9

Mungukaakunjika kulia musunya wa ana jo a malunga ni a mapwo. Mweswe malia musunya wa mwenyembo wenyi mumu ha lamba muze maseleka chihunda kuli akwa kole jo waze anafupu kwashiha.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 4:10

Moko ja mapwo akwa keke hanateleka ana jo ene; alumukine kulia cho ha kwonwona cha mwana wa pwo atu jami.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Lungungu 4:16

Yehova mwene haamwanga; kechi kaatala nawa. Kalemesene asasendote nichimwe; kalingile vumbi kuli makulwana.

Ezekiel 5:10

Kashika malunga malia ana jo a malunga hakachi kenu; ni ana a malunga malia atato, mba mungulinga upatwilo hali yenu, ni waze malisalaho mungukanumwangina ku fuji jeswe.

Ezekiel 9:7

Yamba kuli ayo ngwenyi, Chisenu lie zuwo; Zalisenu yize ni afu; yénu! Chocho yaya, yalamba mu chihunda.

Alevi 26:29

Munukalia yifwo ya anenu a malunga ni ya anenu a mapwo.

Shimbi 9:26

Yingulemba kuli Yehova ngwami, Mwene Yehova, kanda nwonwona atu jenu, chihinga chenu, yenu nwachikulile ni unene wenu, nwachichijile ku Engitu ni kwoko lia ndundo.