Lungungu 2:2 - MUKANDA USANDU WA ZAMBI 1975

² Mwene hanonwona mazuwo eswe a Yakomba ni keke yakuhi. Mu ufwatulo wenyi hanapalwola yihunda yeswe ya tachi ya mwana-pwo Yunda. We wanangana ni akwa kuyulamo hanaanyase hashi ni kwasaula.

Mukanda Wa Zambi 1970

² Mwene Zambi henyeka yihunda yeswe ya Yuda, ni keke kama ka; habuzula yipanga yakukoleka yize te yakufunga chifuchi. Hamwesa mwe mwanangana lamba ni e akwa kuyula jawo.

Lungungu 2:2 Iomraidhean Croise

Jobe 2:3

Yehova yamba kuli Satana ngwenyi, Hiwazewula kavumbi kami Jo? Kuheshi niumwe hashi wa kulifwa nenyi; mumu iye keshi kapalia; mukwa ululi; mukwa kuvwila woma Zambi; keshi kutala ku chuma chipi. Hindu kanakakaminya ungunu wenyi chipwe wangusongojola kunwenyeka chikuma chakuhi.

Miaso (Masamu) 21:9

Kumukaapwisa ngwe lutengo wa kahia ha tangwa lia utenu we; Yehova kumakaazemwina mu ufwatulo wenyi, kahia mukakaalesa.

Miaso (Masamu) 74:7

Hanachocheka kahia muma mwe musandu. Hanajitula ndo ku mavu kuma kuze kwatwama jina lie.

Izaya 22:5

Mumu Mwene Yehova-wa-Tujita kali ni tangwa lia Chizungozungo ni kuliataliata ni kutatajala mu chikulo cha usolwelo. Cho kupupa yipanga-ya-mawe ni kukalumioka ku milundu!

Izaya 23:9

Yehova-wa-Tujita hanachifunjika, akachise kulengumuka cha uhenya weswe, akalelese alemu eswe a hashi.

Izaya 25:12

Ni yipanga-ya-mawe, ya kukolesa ni kusuhisa, kumakayinunguna, nikuyinyasa hashi, mwe mu fufuta.

Izaya 26:5

Mumu hananunguna waze atwamine kwilu mu chihunda cha kunangama. Hanachinunguna, hanachinunguna hashi ni kuchinyasa mu fufuta.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Izaya 43:28

Kashika najilwile alemu a muma musandu; nakunjikile Yakomba akanonge liakulu, nakunjikile Izalele ku sau.

Izaya 47:6

Natenukine ni atu jami, najilwile chihinga chami, naakunjikile mu kwoko lie, ni yena kwaavwilile keke. Chipwe hali tushinakaji walemesene kanga ye kuhiana.

Jeremia 13:14

Mungukaapupa umwe hali mukwo, atato hali ana, chocho kanambe Yehova. Chichi kaavwila vumbi, hanji keke, chipwe kwatetela ngulitwamine kwaonwona.

Jeremia 19:15

Yehova-wa-Tujita Zambi ya Izalele kanambe ngwenyi, Ngunakokela ha limbo lino ni ha yihunda yalio yeswe yipi yize yeswe hinavulukaho mumu hanakalisa makota jo, kasolo kwivwa maliji jami.

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 2:21

Akweze ni makulwana kanapombo mu fufuta ya mu matapalo. Ana jami a mapwo ni akweze jami hanafu ni katana. Ha tangwa lia utenu we hiwaashihisa; Hiwaaliana ni keke yakuhi.

Lungungu 2:5

Mwene hanalumuka ngwe mukwa kole, hanonwona Izalele. Hanonwona palasiu jamo; hanapuzula mbonge jamo; hanokesa kulishimwoka ni lungungu muli mwana-pwo Yunda.

Lungungu 3:43

Hiwalifuka ni utenu nikutuhanga nikumushiha ni keke yakuhi.

Ezekiel 5:11

Kashika Mwene Yehova kanambe ngwenyi, Ni mwono wami, se yenu hinwachisa zuwo liami lisandu ni yuma yenu yeswe ya kuvwisa kupiha, ni yuma yenu yeswe ya lwaji, kashika mungukanutepulula. Liso liami kulichi kanuvwila vumbi, chichi kanuvwila keke.

Ezekiel 7:4

Liso liami kulichi kanuvwila vumbi, chichi kanuvwila keke, alioze mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova.

Ezekiel 7:9

Mumu liso liami kulichi kanuvwila vumbi; chichi kanuvwila keke. Mungunwaha kastigu ya kulita ni ndako jenu shimbu yitanga yenu ya lwaji yichili hakachi kenu. Mba munukanyingika yami nguli Yehova, mukwa kulamba.

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Ezekiel 9:10

Ni yami, liso liami kulichi kaavwila vumbi, chichi kaavwila keke, alioze mungwahilwisa fweto yo ha mitwe yo.

Mika 5:14

Mungutukula Ashera jenu hakachi kenu, nikwonwona yihunda yenu.

Malaki 1:4

Nyi Endome mamba ngwenyi, Hanatupalwola alioze mututungulula chize hichapuzuka; Yehova-wa-Tujita mamba ngwenyi, Chipwe matunga, yami mungupuzula ndo maatongola ngwo, Chifuchi cha yingulungulu, atu aze Yehova watenuka no miaka yeswe.

Mateu 18:33

Kuchatambile yena nawa kachi wevwanga keke hali ndungo-ni-mukwenu ngwe yami nawa ngunakakuvwila keke, nyi?

2 Korintu 10:4

(Mumu yitwa yetu ya jita hi ya musunya ko, alioze ya tachi nikulita ni Zambi ya kupupa yuma ya tachi;)

Shimbi 28:52

Makanuseleka ku yihunda yenu yeswe, ndo yipanga yenu yisuku ya tachi muyikapuzuka, yize nwakuyifuliela, ndusu chifuchi chenu cheswe. Iye makanuseleka mu yihunda yenu yeswe ndusu chifuchi chenu cheswe, Yehova Zambi yenu hananwehecho.

Shimbi 32:22

Mumu mu utenu wami hinawika kahia kukanalengenya ndo ku mashima a Shiole. Kukanalese hashi ni mbuto yaho. Kukanachocheka fundamentu ya milundu.