Lungungu 2:19 - MUKANDA USANDU WA ZAMBI 1975

¹⁹ Katuka, teta ha ufuku ha kuputuka tulayi! Zukula mbunge ye ngwe meya kumeso ja Mwene! Zundula moko je kuli iye ha mukunda wa ana je waze analezumuka ni zala ku songo lia tapalo lieswe.

Mukanda Wa Zambi 1970

¹⁹ Ufuku weswe katwoka ni kulila kuli Mwene Zambi. Umulweze yuma yeswe yize yili mu mbunge ye hanga evwile kama ana je keke, Ana je waze anafu ni zala mu makano ja majila eswe!

Lungungu 2:19 Iomraidhean Croise

Jobe 3:24

Kulishimwoka chami kuchakutetekela kulia chami ni mikuma yami kuyakupukumuka ngwe meya

Miaso (Masamu) 119:55

Yehova, nakwiwuluka jina lie ha ufuku, nakufunga shimbi je.

Miaso (Masamu) 134:2

Zundulenu moko jenu kuma kusandu nukafumanyise Yehova.

Miaso (Masamu) 141:2

Kulemba chami chikalite kumeso je ngwe insensu. Muze munguzundula moko jami chikapwe ngwe mulambu wa chingoloshi.

Miaso (Masamu) 142:2

Kulinyenga chami nakuchizukula ku meso jenyi. Kumeso jenyi nakusolola lamba liami.

Miaso (Masamu) 142:3

Muze spiritu yami yalezumukine muchima, yena wanyingikine jila yami. Mu jila yize ngunende hanguswekela kambwila.

Miaso (Masamu) 28:2

Ivwa liji lia kuliumba chami muze mungutambika kuli yena, muze mungwolola moko jami ku chiswamo che chisandu.

Miaso (Masamu) 42:3

Masoji jami hanalumuka kulia chami mwalwa ni ufuku, shimbu mambamba kuli yami ngwo, Zambi ye kulihi ali?

Miaso (Masamu) 42:4

Yuma yino nakuyiwuluka nikutehuna mbunge yami muchima liami, chize nayile ni mbunga nikwatetekela ku zuwo lia Zambi ni liji lia uwahililo ni uhaliso; te chendo cha atu analingi chiwanyino.

Miaso (Masamu) 42:8

Hindu Yehova matuma utu wa zango lienyi ha mwalwa; ha ufuku mwaso wenyi mungupwa nawo, ewa, che kulemba kuli Zambi ya mwono wami.

Miaso (Masamu) 62:8

Enu atu, fulielenu iye miaka yeswe. Zukwilenu mbunge jenu kumeso jenyi. Zambi iye uchinyino wetu.(Litulike.)

Miaso (Masamu) 63:4

Chocho mungukufumanyisa shimbu lieswe nguli ni mwono. Munguzundula moko jami mu jina lie.

Izaya 26:9

Mbunge yami kuyakukuvwila usona ha ufuku; spiritu yami muchima kuyakukufupa ni tachi. Mumu muze upatwilo we muupwa hashi, mba akwa muno-muze malilongesa ululi.

Izaya 51:20

Ana je kanalezumuka, kanapombo ku songo lia tapalo lieswe ngwe kai mu lwoji; hazala ni ufwatulo wa Yehova, Zambi ye haakanda.

Jeremia 14:18

Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Ezekiel 5:10

Kashika malunga malia ana jo a malunga hakachi kenu; ni ana a malunga malia atato, mba mungulinga upatwilo hali yenu, ni waze malisalaho mungukanumwangina ku fuji jeswe.

Ezekiel 5:16

muze mungukanukonga mivu yami ya kapunga wa kushiha, ni mivu ya kwonwona yize mungukakonga kunwonwona, muze mungukanukokela kapunga mukwo ni mukwo, ni kumakuna mulumbu wenu wa mbolo.

Mika 1:16

Lipwisenu ni lwole; litewulenu kambu jenu ha mukunda wa ana ja uwahililo wenu. Litewulenu ngwe makuyu, mumu manukatuka nikuya ku unjize.

Nahume 3:10

Hindu yamutwala; yaya ku ufunge. Anenyi akepe yaahwotola ku mitwe ku malindalinda ja matapalo eswe. Malunga jenyi alemu yaatela chela; malunga jenyi anene aakashile malenge.

Mateu 14:25

Muze himukucha, Yesu wakundamine kuli ayo nikwenda ha Chitende.

Marku 1:35

Ha chimenemene, shimbu kuchili milima, wahindukile, watuhukile, wayile kuma ku puya, walembeleleko.

Marku 13:35

Lenu kashika: mumu kunwanyingikine muze mwenya zuwo meza, shina chingoloshi, shina ha muchima ufuku, shina ha kutambika ndemba, nyi shina chimenemene:

Luka 6:12

Ha matangwa aze wayile ku mulundu mukulemba; iye wahwishile ufuku weswe nikulemba kuli Zambi.

1 Timoteu 2:8

Ngunazange malunga akalembe kweswako, nikuzundula moko asandu, keshi utenu hanji kuyambashana.

Akwa Kuyula 7:19

Chocho Ngideone ni kulakaji lia malunga hamwe nenyi ahetele ku songo lia chilombo ha kuputuka kalayi ka hakachi ka ufuku, te tulayi achiasa. Mba embile yitavwi nikushiha mitondo apwile nayo mu moko jo.

1 Samuel 1:15

Hana yakumbulula ngwenyi, Ka mwata. Nguli pwo wa chinyengo. Chanwine vinyu, chipwe kunwa chikwo chisasu, alioze hinazukwila mbunge yami kumeso ja Yehova.

1 Samuel 7:6

O yakungulukila ku Mizepa. Yataha meya; yaazujila hashi kumeso ja Yehova nikulitwamina kulia tangwa lize, nikwambako ngwo, Hitwavulumuna Yehova. Samuel wayulile A-Izalele ku Mizepa.