Lungungu 2:18 - MUKANDA USANDU WA ZAMBI 1975

¹⁸ Teta ni tachi kuli Mwene, yena mwana-pwo Zaione. Masoji akapukumuke ngwe muhwiji mwalwa ni ufuku! Kanda uhwima; kanda utayiza meso je kulitwamina.

Mukanda Wa Zambi 1970

¹⁸ Aa Yerusaleme, yipanga ye yikololoke kuli Mwene Zambi! Lundumiona masoji je ngwe njiji ufuku ni mwalwa; kanda ulitwamina kulila ni kunenganyana!

Lungungu 2:18 Iomraidhean Croise

Miaso (Masamu) 119:136

Ku meso jami tuzololo twa meya kakusulumiokena mumu atu keshi kufunga shimbi ye. Zade

Miaso (Masamu) 119:145

Hinasanyika ni mbunge yami yeswe; ungukumbulule kama, Yehova. Mungufunga yiyulo ye.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 2:8

Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Hosea 7:14

Katambikile kuli yami ni mbunge, alioze ha mihela yo kakulila mbimbi. Kakukungulukila mbuto ni vinyu; kakungukatukila.

Habakuke 2:11

Mumu liwe mulikatambika mu parede, ni mukambo wa kukwachisa mitondo umukumbulula.