Lungungu 2:17 - MUKANDA USANDU WA ZAMBI 1975

¹⁷ Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Mukanda Wa Zambi 1970

¹⁷ Mwene Zambi hamanununa chize anyongene kulinga: hatunongesa ni keke kama ka, ngwe chize atutowezele kushi. Hatayiza akwa kole kutukumba, heevwisa chiseke ha kulimbuka chetu.

Lungungu 2:17 Iomraidhean Croise

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

Miaso (Masamu) 35:24

Ungupatwile nikulita ni ululi we, yena Yehova Zambi yami. Kanda anguyunga.

Miaso (Masamu) 35:26

Waze akuwahilila ha lamba liami akevwe sonyi, akachingashane hamuwika. Waze alitohesa kuli yami aakolese sonyi, asauke.

Miaso (Masamu) 38:16

Mumu nambile ngwami, Kuchina manguyunga. Muze chiliato chami muchisenunuka o malisamba ni yami.

Miaso (Masamu) 89:42

Hiunanangamisa kwoko lia chindume lia akwa kulimika nenyi. Akwa kole jenyi eswe hiunahe kuwahilila.

Miaso (Masamu) 89:43

Ewa, hiwafuwisa lutwilo wa katana kenyi. Kwamujikijishile mu jita.

Izaya 14:29

Enu A-Filistea, kanda nuwahilila eswe, mumu mbwechi anulambile nayo hiyamakuka, alioze ku chikota cha lunoka mukusemuka fwiji, ni mwana wa iye makapwa toto.

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 4:28

Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Jeremia 40:3

Yehova hachilinga, halinga chize wambile, Chino chuma chanuwana mumu nwavulumuna Yehova, kunwononokene ku liji lienyi.

Lungungu 1:5

Akwa kulimika nenyi hanapu kulutwe; akwa kole jenyi kanawaha ha milimo yo, mumu Yehova hamuvwisa yikola, ha mukunda wa kulumbama cha milonga yenyi. Anenyi hanayi funge kumeso ja akwa kulimika.

Lungungu 2:8

Yehova wasele mbunge kupuzula chipanga-cha-mawe cha mwana-pwo Zaione. Wachifunjikile ni muhipu, kakokolwele kwoko lienyi ha kwonwona; wapwishile chipanga ni lusaso ya kulila mbimbi, yinalihongela hamuwika.

Lungungu 3:43

Hiwalifuka ni utenu nikutuhanga nikumushiha ni keke yakuhi.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 5:11

Kashika Mwene Yehova kanambe ngwenyi, Ni mwono wami, se yenu hinwachisa zuwo liami lisandu ni yuma yenu yeswe ya kuvwisa kupiha, ni yuma yenu yeswe ya lwaji, kashika mungukanutepulula. Liso liami kulichi kanuvwila vumbi, chichi kanuvwila keke.

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Ezekiel 9:10

Ni yami, liso liami kulichi kaavwila vumbi, chichi kaavwila keke, alioze mungwahilwisa fweto yo ha mitwe yo.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Mika 2:3

Kashika Yehova kanambe ngwenyi, Ha kutwala ku munyachi uno ngunanunyongena chuma chikalu; kunuchi kahasa kutusulako makota jenu. Kunuchi kenda nawa nikulizelula mumu muchikapwa mwaka upi.

Zefania 1:2

Yehova kanambe ngwenyi, Mungukakomba liakulu yuma yeswe hashi.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.