Lungungu 2:15 - MUKANDA USANDU WA ZAMBI 1975

¹⁵ Waze eswe akupajieka mu jila kakulenya ni koshi; kakusoza nikuhunga mitwe yo hali mwana-pwo Yerusaleme ngwo, Che chihunda chenacho achilukile ngwo, Mwe chileza wa pundu pundu, ni uwahililo wa hashi heswe?

Mukanda Wa Zambi 1970

¹⁵ Atu waze akubalieka mu limbo kaakulishimwoka ha kukumona; ngwo: “Haa! Puu! Jakukangana.” Kaakulisoza ni kuhunga mitwe ha kumona kwenyeka cha Yerusaleme. Ngwo: “Kuma lie limbo lize liabwile ni uhenya, nyi? Lienali te akulengumuka nalio, nyi?”

Lungungu 2:15 Iomraidhean Croise

1 MIANANGANA 19:21

Liji Yehova hanambe ha kutwala kuli iye lino: Mwe mwana-pwo wa *virgem Zaione kanakulelesa; kanakusehe nikukulenya. Mwana-pwo Yerusaleme kanakulengesela mutwe wenyi.

2 Sango Ja Mianangana 7:21

Zuwo lino hilianangama chocho, ha kulipalika, atu eswe makomoka ni kwamba ngwo, Kuchi te Yehova halinga chocho ku chifuchi chino ni ku zuwo lino?

Miaso (Masamu) 109:25

Hinalumuka sau kuli ayo. Muze mangumona kakuhunga mitwe yo.

Miaso (Masamu) 22:7

Waze eswe akungumona kakunguseha nikusaula. Kakutuhwisa mivumbo, kakuhunga mitwe ngwo;

Miaso (Masamu) 48:2

Mulundu wa Zaione wapwa uwahililo wa hashi heswe wapema chikolo nikunangama, sali lia ku Norte, limbo lia mwanangana munene.

Miaso (Masamu) 48:3

Zambi hanalisolola mu mazuwo ja mwanangana ngwe iye uchinyino unene.

Miaso (Masamu) 50:2

Zambi hanapanguka ku Zaione kwahiana upeme.

Miaso (Masamu) 64:8

Chocho maalimbwisa, se limi lio ene lialimika no. Mweswe maamona mahunga mutwe wenyi.

Izaya 28:21

Mumu Yehova makakatuka ngwe ha mulundu wa Perazime, makatenuka ngwe mu chikulo cha Ngibeone, akatange chitanga chenyi—chitanga chenyi cha kukomwesa, akalinge mulimo wenyi—mulimo wenyi weka.

Izaya 37:22

kashika liji Yehova hanambe ha kutwala kuli iye lino: Mwe mwana-pwo wa *virgem Zaione kanakulelesa; kanakusehe nikukulenya. Mwana-pwo Yerusaleme kanalengesela mutwe wenyi.

Izaya 64:11

Zuwo lietu lipema lisandu, kuze tulamba akuhalishile, hanaliocho ni kahia; mba yihela yetu yeswe yipema hiyinapuzwoka.

Jeremia 18:16

Hanalumuna chifuchi cho chuma cha mwongo, chuma cha kusoza ndo ku miaka. Mweswe mapalikako mevwa mwongo, ni kuhunga mutwe wenyi.

Jeremia 19:8

Mungupwisa chihunda chino chuma cha mwongo, chuma cha kuyunga. Mweswe mapalikako mevwa lwaji, mayunga mumu ha kuji-ni-tomo liako lieswe.

Jeremia 25:18

Ngwami, Yerusaleme ni yihunda ya mu Yunda, ni mianangana ni alemu jayo, akayenyeke ni kuyipwisa ya hululu, ni kuyunga, ni shingo ngwe tangwa lino.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 48:27

Te kunwayungile Izalele! Te nwamuwanyine hakachi ka eji, kashika heswaho mamutongola nwahungile mitwe yenu, nyi?

Jeremia 51:37

Mba Babilonia muyalumuka mulumba wa yipuzu. Muyipwa wendelo wa mikuza, kanda chuma cha mwongo ni cha kusoza ni yoze matwamamo wakuhi.

Lungungu 1:21

Ivwenu mikuma yami! Mukwa kunguwumbijeka wakuhi. Akwa kole jami eswe hanevu lamba liami, kanawahilila mumu hiwachilinga. Neha tangwa lize hiwambulula, o akapwe ngwe yami napwa musono.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Lungungu 2:16

Akwa kole je eswe kanakutuku; kanasozana, ni kulisumasuma ku mazo ngwo, Hitwamwonwona! Lie tangwa twatwaminyinyine lino, mba hitwapwa nalio, hitwalimona.

Lungungu 2:6

Hanapuzula chisakila chenyi ngwe chimwe cha kutunga ku naka. Hanapwisa ngundu chihela chenyi cha yiwanyino ya kufunjika. Mu Zaione Yehova hanasulisa yiwanyino ya kufunjika ni masambata. Mu matoto jenyi asasu hanambila ni mwanangana ni sasendote.

Ezekiel 16:13

Chocho wapemene ni oru ni prata, ni mazalo je apwile a linyu lipema, ni seda, ni mahina a mbordado. Walile wunga wafufunuka, ni wuchi, ni maji; wapemene chikolo; walumukine mwanangana wa pwo.

Ezekiel 16:14

Lufuma we wafumanyine hakachi ka mavungu mumu ha upeme we, mumu wapemene liakulu ni uhenya uze te nakuhele yami. Chocho kanambe Mwene Yehova.

Ezekiel 23:32

Mwene Yehova kanambe ngwenyi, Kumwonwa musenge wa yayenu, unene, unatoho. Kumakakuseha ni kukuyunga mumu yuma yinji yilimo.

Ezekiel 25:6

Mumu Mwene Yehova kanambe ngwenyi, Se nwasakwilile ni koshi, ni kulinyehuna, ni kulikwiza ni shili yize yeswe yapwile muli yenu ha chifuchi cha Izalele,

Ezekiel 5:15

Chocho munukapwa luchoko, munukalenyewa; munukapwa a kutoweza kanda chuma cha lwaji kuli akwa mavungu a kunujingilika muze mungukalinga upatwilo wami hali yenu ni utenu ni ufwatulo hamwe ni kastigu ya ufwatulo—yami Yehova hinahanjika—

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Nahume 3:19

Yikola ye kuyichi katepuluka; mbandu ye yipi chikolo. Waze eswe anevu lusango we kanasakwila koshi, mumu iya yoze katambwile chipi che chize kuchishi kahwa?

Zefania 2:15

Che chihunda cha kulilengela acho, chize chatwamine kawape nikwamba kuli iye mwene ngwenyi, Yami uno, kukushi mukwo. Hamwenyeka Chichize! Chiswamo cha ngongo! Waze eswe anapalikako kanasozana nikuhungisa moko.

Mateu 27:39

Waze apalikile, amushililikile, nikuhunga mitwe yo, ngwo,

Marku 15:29

Waze apalikile amutukile, nikulihunga mitwe yo ngwo, Wóló! Yena Wakwonwona tembele, wakuyitunga ha matangwa atatu,