Lungungu 2:11 - MUKANDA USANDU WA ZAMBI 1975

¹¹ Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Mukanda Wa Zambi 1970

¹¹ Hijanguhwa ni che kulila; chinyengo chinji ngunevu. Hinalekumuka ni chikulikuli ha kunonga cha atu jami. Ana a kemba ni tuchila kaanalezumwoka mu majila ja limbo.

Lungungu 2:11 Iomraidhean Croise

Jobe 16:13

Ngashi jenyi kananguseleka. Kanangupatula ndo ku njiso; kanguvwilile keke. Kasashisa kami kanamwangana hashi.

Jobe 30:27

Mbunge yami kuyinalifwichi; kuyisolo kuhwima. Matangwa a luyinda aneza kungupatwiza.

Miaso (Masamu) 119:82

Meso jami kanafu ha kulawokela liji lie, shimbu ngunambe ngwami, Tangwa lika mukangulembe jeka?

Miaso (Masamu) 22:14

Hinatehuka ngwe meya. Yifwaha yami yeswe hiyasengunuka. Mbunge yami yapwa ngwe sela, hiyasangunuka muchima lia jimo liami.

Miaso (Masamu) 31:9

Nguvwile kama vumbi Yehova mumu ngunapinji; liso liami linajijiminya ni chinyengo, ewa, ni mbunge yami ni mujimba wami.

Miaso (Masamu) 38:8

Ngunalezumuka. Hanangumbwezula. Hinateta mumu ha kupinda cha mbunge yami.

Miaso (Masamu) 6:7

Meso jami hanahu ni chinyengo; hanakukwoka ha mukunda wa akwa kole jami.

Miaso (Masamu) 69:3

Janguhwa ni kulila chami. Muliwu wami unomu chau. Meso jami hijahwa nikutalatala Zambi yami.

Izaya 22:4

Kashika nambile ngwami, Tewulukenu kuli yami, hanga ngulile masoji asasu. Kanda nuhondangana nikunguwumbijeka mumu ha kunonga cha mwana wa pwo atu jami.

Izaya 38:14

Ngwe chitokola hanji kapiasayingutetwoka, yingutwa mikuma ngwe katele. Meso jami yikatalo anevu ni kutala kwilu. Mwene, kanangupinjisa, pwako yena chikwashi chami.

Izaya 51:20

Ana je kanalezumuka, kanapombo ku songo lia tapalo lieswe ngwe kai mu lwoji; hazala ni ufwatulo wa Yehova, Zambi ye haakanda.

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 44:7

Haliapwila Yehova Zambi-ya-Tujita, mwe Zambi ya Izalele kanambe ngwenyi, Kuchi te nunalingi chuma chino chipi chikolo cha kulimika ni yenwene, nukatete hakachi ka A-Yunda malunga, ni mapwo, ni kemba, ni mwana, ni masalila akuhi?

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:20

Yehova, tala, mumu nguli mu lamba, mwono wami unalifwichi, mbunge yami yinawondeka muchima liami mumu hinakukatukila chikolo. Ha matapalo katana kanafwisa atu mu zuwo mwapwa ngwe ufwe.

Lungungu 5:17

Ha chikuma chino mbunge jetu hijayiza; mumu ha yuma yino meso jetu halá,

Luka 23:29

Mumu matangwa meza kwiza muze makamba ngwo, Kawaha miumba, ni majimo aze kasemene nilimwe tangwa, ni mele aze kaamwishine nilimwe tangwa.

1 Samuel 30:4

David ni atu aze endele nenyi yakololoka ni kulila ndo kapwile nawa ni tachi ja kulila.