Lungungu 2:1 - MUKANDA USANDU WA ZAMBI 1975

¹ Mwene mu utenu wenyi hanafuku mwana-pwo Zaione ni lelwa. Uhenya wa Izalele hanauchiza mwilu, hanaumbila hashi. Ha tangwa lia utenu wenyi hanavulama chitwamo cha yiliato yenyi.

Mukanda Wa Zambi 1970

¹ Mwene Zambi mu ufwatulo wenyi hafuka Zione ni milima. Uhenya wa Yerusaleme haubihisa. Ha tangwa lia ufwatulo wenyi hehuka zuwo lienyi lia kuwayila.

Lungungu 2:1 Iomraidhean Croise

2 Samuel 1:19

Izalele-e-e! Uhenya we hanaushihi ha manangamo je. Akwa ndundo hanalimbuka Chichize!

1 Sango Ja Mianangana 28:2

Mba mwanangana David yamana ha molu jenyi ngwenyi, Ngwivwenu akwetu ni atu jami. Nyi yami mwene, chapwile mu mbunge yami kutunga zuwo lia uhwimino ha mushete wa usendo wa Yehova ni ha chitwamo cha yiliato ya Zambi yetu, kashika nalulikile yuma ya kutunga nayo.

Miaso (Masamu) 132:7

Mutunjila mu tabernakulu jenyi; mutuwayila ku chitwamo cha yiliato yenyi.

Miaso (Masamu) 89:45

Matangwa ja ukweze wenyi hiunaatepulula. Hiunamukolesa sonyi.(Litulike.)

Miaso (Masamu) 99:5

Nangamisenu Yehova Zambi yetu. Wayilenu ku chitwamo cha yiliato yenyi, mumu iye musandu.

Izaya 64:11

Zuwo lietu lipema lisandu, kuze tulamba akuhalishile, hanaliocho ni kahia; mba yihela yetu yeswe yipema hiyinapuzwoka.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Lungungu 1:1

Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 4:1

Oru yafuwalala Chichize; ye oru yipema hiyalumuka! Mawe alemu asandu anamwangana ku masongo ja matapalo eswe.

Lungungu 4:11

Yehova watuswile ufwatulo wenyi, Wazukwile utenu wenyi usasu; wawikile kahia mu Zaione kaze kalalishile ndo ku fundamentu.

Ezekiel 13:13

Kashika Mwene Yehova kanambe ngwenyi, Mu ufwatulo wami mungukatuma fuji ya kangonga; mu utenu wami kumukukapwa muhwiji wa vula, ni chiwe chinene mu ufwatulo ngukachonwone.

Ezekiel 19:12

Alioze muuva autukwile ni ufwatulo nikuumbila hashi. Yiuma ni fuji ya ku Chivumbuko; yachiza mihuko yawo hululu; chishina chawo chomine; chaliwile ni kahia.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 30:18

Ku Tehafene tangwa mulikalá ha kushihako chiyulo cha Engitu, ni ndundo jenyi ja kulengumuka mujikasula. Makafukiwa ni lelwa, ni anenyi a mapwo kumakaya ku ufunge.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Mateu 11:23

Ni yena Kafwanaume hakunangamisa ndo mwilu, kumakakuhulumuna ndo ku Heteze: mumu kachi yipupu yize alingile muli yena, ayilingile mu Sondome, kachi kuchasala ndo tangwa lino.

Luka 10:15

Ni yena Kafwanaume, makakunangamisa ndo mwilu, nyi? Kumakakuhulumuna ndo ku Heteze.

Luka 10:18

Iye wambile kuli ayo ngwenyi, Namwene Satana kanaholoka mwilu ngwe muhenyo.

1 Samuel 4:21

Iye yaluka mwana ngwenyi, Ikabode, mumu ngwenyi, Ulemu hiwakatuka kuli A-Izalele, mumu hatambula mushete wa Zambi ni ha chikuma cha tato-weno ni mukwo-lunga.

1 Samuel 4:22

Ngwenyi, Ulemu hiwakatuka kuli A-Izalele, mumu hanatambula mushete wa Zambi.