Lungungu 1:9 - MUKANDA USANDU WA ZAMBI 1975

⁹ Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Mukanda Wa Zambi 1970

⁹ Mahina jenyi haabiha mumu ha yibi yenyi, alioze kasolo kunyonga ha yize muyimuwana kulutwe. Kulimbuka chenyi chabwa chikalu; niumwe kahashile ko kumulembejeka. Kanalembe ngwenyi; “Mwene Zambi, tala kama lamba liami, tala chize akwa kole jami haangukumba.”

Lungungu 1:9 Iomraidhean Croise

2 Samuel 16:12

Hanji Yehova matala ku chipi chino anangulingi, hanji Yehova mangukundulula chipema mumu ha matuka jenyi kuli yami musono.

1 MIANANGANA 14:26

Mumu Yehova wamwene luyinda wa Izalele musasu chikolo. Kukwasalile niumwe chipwe wa kukasa chipwe wa kutusula; chipwe chikwashi wakuhi hali Izalele.

Nehemia 9:32

Kashika Zambi yetu, mwe Zambi munene, mukwa ndundo kole ni woma, mukwa kufunga usendo ni utu wa zango, kanda umona kukeha lamba lino lieswe hiliatushata, ni mianangana jetu, ni alemu jetu, ni asasendote jetu, ni aprofeta jetu, ni tulamba twetu, ni atu je eswe, chize ku miaka ya mianangana ja Asuria ndo musono.

Miaso (Masamu) 119:153

Tala kama ku luyinda wami, ungupulule kama, mumu chishi kuvulama shimbi ye.

Miaso (Masamu) 140:8

Yehova, kanda utayiza kuli yingulungulu yize akuzanga. Kanda usenyesa kulutwe kutaka chenyi chipi, kuchina malinangamisa.(Litulike.)

Miaso (Masamu) 25:18

Nyonga kama ha yipikalo yami ni yikola yami, ungukonekene kama milonga yami yeswe.

Miaso (Masamu) 69:21

Ha kulia chami nawa anguhele kasashisa; ha pwila yami anguhele vinagre ngukanwe.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:7

Yehova yamba ngwenyi, Chamwenemwene hinamona luyinda wa atu jami ali mu Engitu. Hinevwa muteto wo mumu ha mukunda wa tupatashi two; ngunanyingika yinyengo yo.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Izaya 3:8

Mumu A-Yerusaleme hanatalinga, A-Yunda hanalimbuka; mumu kuhanjika cho ni yitanga yo yapwa ya kulimika ni Yehova, ni kumwihia kwe kumeso ja uhenya wenyi.

Izaya 37:17

Panjika kama Yehova wivwe. Tala ni meso je, Yehova, umone. Ivwa maliji eswe a Senakeribe, wano hatuma kuchoka no mwe Zambi ya mwono.

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Izaya 37:29

Mumu unanguvwila ufwatulo, ni kulizata che hichanguheta mu matwi, kashika mungusa chikungo chami mu zulu lie, mungusa lelia liami mu kanwa lie, mba mungukuhilwisa kunyima mu jila yize yene wejilile.

Izaya 37:4

Hanji muchipwa Yehova Zambi ye mevwa maliji a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji aze Yehova Zambi ye hevwa. Kashika uchilembele kama waze asala.

Izaya 40:2

Hanjika ku mbunge ya Yerusaleme, kololoka kuli iye, kukilikita chenyi hichahwa, uhenge wenyi hanaukonekena, hanatambula ku kwoko lia Yehova yisuho yiali ha milonga yenyi yeswe.

Izaya 47:7

Yiwamba ngwe, Munguyula miaka yeswe, kashika yino yuma kwayisele mbunge, chipwe kwiwuluka songo liayo.

Izaya 51:19

Yuma yino yiali hiyakuwana, mba iya makulembejeka? Ngwami, Kwenyeka ni kunongesa, kapunga ni katana, mba neya mungukuwumbijeka?

Izaya 54:11

Ena mukwa lamba, wa kupinda ni kangonga, kushi ni mukwa kukuwumbijeka, mungukolesa mawe je ni ulombo weka ni weka. Mungusa fundamentu je ni safwira.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Jeremia 16:7

Niumwe mapalula mbolo ni yoze wafwisa, akamulembejeke mumu hali mufu. Niumwe mamwaha musenge wa kulembejeka akanwe mumu hali tato hanji naye.

Jeremia 2:34

Chikwo nawa ha mahina je hwali manyinga a mwono wa yiswale keshi chitela, kwaawanyine hanji kulokola zuwo. Hindu, chipwe ni yino yuma yeswe

Jeremia 48:26

Muzengewese mumu walifujile kulimika ni Yehova, kashika Moape makalifwita mu yisaza yenyi, mba iye nawa mamuyunga.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Lungungu 1:17

Zaione kanazozo moko jenyi, alioze mukwa kumuwumbijeka wakuhi. Yehova hachitumina cha kulimika ni Yakomba hanga enyembo jenyi akanwe akwa kole jenyi. Yerusaleme hanalumuka chuma cha luchisa hakachi ko.

Lungungu 1:21

Ivwenu mikuma yami! Mukwa kunguwumbijeka wakuhi. Akwa kole jami eswe hanevu lamba liami, kanawahilila mumu hiwachilinga. Neha tangwa lize hiwambulula, o akapwe ngwe yami napwa musono.

Lungungu 2:13

Ena mwana-pwo Yerusaleme, Kuchi mungwamba hali yena? Ngukupwise ngwe kuchi? Ena mwana-pwo virgem Zaione. Ngukutese neka, hanga ngukuwumbikize? Mumu kulumbuka che chatoha ngwe kalunga-lwiji. Iya mahasa kukuhuzulula nawa?

Lungungu 4:1

Oru yafuwalala Chichize; ye oru yipema hiyalumuka! Mawe alemu asandu anamwangana ku masongo ja matapalo eswe.

Lungungu 5:1

Yehova, iwuluka chize hichatuwana; tala uchimone kusauka chetu.

Hosea 2:14

Kashika mungukamulembejeka, ni kumukoka ku puya, ni kuhanjika kuli iye ni vumbi.

Zefania 2:10

Chino muchipwa nicho mumu ha kulengumuka cho; mumu ha kulenya ni kulizata kulimika ni atu a Yehova-wa-Tujita.

Yoano 11:19

ni anji a kuli A-Yunda ayile kuli Marta ni Maria, hanga akaasangulwise ha kutwala kuli ndumbwo.

Shimbi 26:7

Yituteta kuli Yehova Zambi ya tulamba twetu, Yehova yevwa liji lietu, yatala luyinda wetu, ni kuhondangana chetu, ni lamba lietu atumwesenelio.

Shimbi 32:27

Alioze nevwile woma ngwami, Akwa kole machoka. Akwa kulimika no machimona ngwe chuma cheka, hanji mamba ngwo, Kwoko lietu hinakumba, Yehova kalingile yino yeswe.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

1 Petulu 4:17

Mumu mwaka hiuneza hanga upatwilo uputuke ku zuwo lia Zambi: nyi kachi muuputuka hatangu kuli yetu, songo lika mulikapwa lia waze keshi kwononoka ku sango lipema lia Zambi?

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.