Lungungu 1:8 - MUKANDA USANDU WA ZAMBI 1975

⁸ Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Mukanda Wa Zambi 1970

⁸ Vumbi lienyi hiliahwa, habwa uselesele; akwa kole haamulelesa. Kanatu mikuma, kanahetama ni sonyi. Yerusaleme halibihisa iye mwene ni milonga yinji.

Lungungu 1:8 Iomraidhean Croise

Ubutukilo 3:7

Mba meso jo yalaula, eswe aali yanyingika ngwo, Uselesele tuli. Yatonga mafwo a mukuyu akaatenge miswele.

1 Yitanga Ya Mianangana 9:6

Alioze nyi mutewuluka nikulitwamina kungukaula, chipwe yena chipwe ana je, hanji kuchi kuhinga shimbi jami ni yiyulo yami yize hinasa kumeso je ukaye ukalingile mazambi akwo nikwawayila,

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

1 Yitanga Ya Mianangana 9:9

Makumbulula ngwo, Mumu ehukile Yehova Zambi yo yoze wachijile tulamba two ku Engitu, akwachile ku mazambi akwo nikwawayila nikwalingila. Kashika Yehova haakokela yipi yino yeswe hali ayo.

Izaya 47:3

Makufukula uselesele we, mba sonyi je mujikamoneka. Mungufwetesa; chichi kuvwila keke niumwe.

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 13:26

Yami mwene munguzundula hina lie ndo ku meso, hanga sonyi je jikamoneke.

Jeremia 15:4

Mungwapwisa chuma cha lwaji kuli akwa mawanangana eswe a hashi mumu ha yize yuma Manase, mwana Hezekia, mwanangana wa Yunda walingile mu Yerusaleme.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 6:28

Eswe anapu akwa kukolema a pami, nikwenda ni kulamikiza Kapwa ngwe unengu ni utale, eswe kanalingi ni ungulungulu.

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Lungungu 1:17

Zaione kanazozo moko jenyi, alioze mukwa kumuwumbijeka wakuhi. Yehova hachitumina cha kulimika ni Yakomba hanga enyembo jenyi akanwe akwa kole jenyi. Yerusaleme hanalumuka chuma cha luchisa hakachi ko.

Lungungu 2:10

Makulwana ja mwana-pwo Zaione hashi anatwama, kúlú; hanalikuwu mavu ha mitwe hanazala yikeleyi. Ana-mapwo a mu Yerusaleme hanahetamisa mitwe yo hashi.

Lungungu 4:21

Wahilila ni kulikwiza, ena mwana-pwo Endome watwama mu chifuchi cha Uze; alioze kuli yena nawa musenge uno muukaheta, ni yena mukazengewa ni kulizula uselesele.

Ezekiel 23:29

mba o malinga ni yena ni kole, ni kukuchiza mihuko ya kuhondangana che, ni kukuhichika wa kufukula, wa uselesele, hanga uselesele wa ukoi we ukafukuke. Usolo we ni ukoi we

Ezekiel 23:46

Mumu Mwene Yehova kanambe ngwenyi, Koka chihuji kulimika no Ukaapwise chuma cha mwongo, chuma cha kupupa.

Ezekiel 39:23

Ni mavungu makanyingika ngwo, Akwa munyachi wa Izalele ayile ku ufunge mumu ha uhenge wo, mumu ha kulinga ni yami ni mafwefwe, chocho naaswekelele meso jami nikwahana kuli akwa kole jo; eswe afwile ni katana.

Hosea 2:10

Mba mungutukula usolo wenyi kumeso Ja akwa zango lienyi. Niumwe mamupulula ku moko jami.

Hosea 2:3

Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Usolwelo 3:18

Ngunakwehe mana ngwami, Ulande kuli yami oru ya kusaya ku kahia, hanga ukapwe pichi, ni mahina atoma hanga uzale, hanga sonyi ja uselesele we kujichi kusoloka; ni yitumbo ya meso ya kukwita meso je, hanga umone.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.