Lungungu 1:7 - MUKANDA USANDU WA ZAMBI 1975

⁷ Ha matangwa a luyinda wenyi ni usasu wenyi, Yerusaleme kanewuluka yuma yeswe yilemu apwile nayo chize ku shakulu. Muze atu jenyi alimbukile mu kwoko lia mukwa kulimika, kukwapwile niumwe kumukwasa. Mukwa kulimika wamusehele, ni kumulenya ha kulimbuka chenyi.

Mukanda Wa Zambi 1970

⁷ Ha matangwa wano a lamba lienyi, Yerusaleme kanewuluka uhenya wenyi utangu. Muze aholokela mu moko ja akwa kole, kukwabwile ko niumwe wakumukwasa; waze amukumbile yaamuseha ha kulimbuka chenyi.

Lungungu 1:7 Iomraidhean Croise

Jobe 29:2

Mama yami! Kachi napwa chize napwile mu tukweji a kushi! Ha matangwa aze muze Zambi machingufunga.

Miaso (Masamu) 42:4

Yuma yino nakuyiwuluka nikutehuna mbunge yami muchima liami, chize nayile ni mbunga nikwatetekela ku zuwo lia Zambi ni liji lia uwahililo ni uhaliso; te chendo cha atu analingi chiwanyino.

Miaso (Masamu) 77:3

Ngunewuluka Zambi nikulipikala. Ngunalinyenge; mbunge yami yinalezumuka.(Litulike.)

Miaso (Masamu) 79:4

Hitunasauka hakachi ka waze twatunga no. Hanatulenye nikutuchimbunguna kuli waze anatujingilika.

Izaya 64:10

Yihunda ye yisandu hiyalumuka puya. Zaione hiyalumuka puya, Yerusaleme hiyapwa ya hululu.

Izaya 64:11

Zuwo lietu lipema lisandu, kuze tulamba akuhalishile, hanaliocho ni kahia; mba yihela yetu yeswe yipema hiyinapuzwoka.

Jeremia 37:7

Yehova Zambi ya Izalele kanambe ngwenyi, Kuli mwanangana wa Yunda yoze wanutumanga kuli yami kunguhula munwamba ngwenu, Tujita twa Falau waze ejile kukukwasa kanambe kuhiluka ku chifuchi cho cha Engitu.

Jeremia 48:27

Te kunwayungile Izalele! Te nwamuwanyine hakachi ka eji, kashika heswaho mamutongola nwahungile mitwe yenu, nyi?

Lungungu 4:17

Meso jatuhwa ni kutalatala, akwa kutukwasa waze kejile. Kutala twatalile vungu limwe lize kuliahashile kulamwina.

Ezekiel 25:3

Amba kuli A-Amone ngwe, Ivwenu liji lia Mwene Yehova. Mwene Yehova kanambe ngwenyi, Se nwambile ngwenu, Oló! muze ajilwile zuwo liami lisandu, ni ha chifuchi cha Izalele muze achenyekene, ni hali akwa munyachi wa Yunda muze ayile ku unjize,

Ezekiel 25:6

Mumu Mwene Yehova kanambe ngwenyi, Se nwasakwilile ni koshi, ni kulinyehuna, ni kulikwiza ni shili yize yeswe yapwile muli yenu ha chifuchi cha Izalele,

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Mika 4:11

Haliapwila mavungu anji hanakukungulukila ngwo, Akamujilule! Meso jetu atale Zaione—ne.

Luka 15:17

Muze akwachile mana, wambile ngwenyi, Ngamba apwa haha a tata, ali ni mbolo ja kulumbama, ni yami ngunafu kuno ni zala.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.