Lungungu 1:6 - MUKANDA USANDU WA ZAMBI 1975

⁶ Uhenya weswe hiwakatuka kuli mwana-pwo Zaione. Alemu jenyi hanalumuka ngwe tupaji, waze kawanyine kelo. Achinyine ni tachi jakuhi kumeso ja mukwa kwahanga.

Mukanda Wa Zambi 1970

⁶ Uhenya wa Yerusaleme hiwahwa. Akwa lutwe jenyi haabwa ngwe kai waze haalekumuka mumu ha zala, tachi jo hijahwa muze anachina mayanga.

Lungungu 1:6 Iomraidhean Croise

1 MIANANGANA 19:21

Liji Yehova hanambe ha kutwala kuli iye lino: Mwe mwana-pwo wa *virgem Zaione kanakulelesa; kanakusehe nikukulenya. Mwana-pwo Yerusaleme kanakulengesela mutwe wenyi.

1 MIANANGANA 25:4

Henaho yalokola chipanga cha chihunda, mba tujita eswe yachina ha ufuku jila ya chikolo cha hakachi ka yipanga yiali kwe ku munda wa mwanangana. (A-Kaletea o analimika ni chihunda kweswe kwa kujingilika), mba mwanangana yayila jila ya ku Arapa.

1 MIANANGANA 25:5

Alioze tujita twa A-Kaletea yahanga mwanangana; yamuwana mu yana ya Yeriku, mba tujita twenyi eswe amumwanganyine mwamwa.

Miaso (Masamu) 50:2

Zambi hanapanguka ku Zaione kwahiana upeme.

Miaso (Masamu) 96:9

Wayilenu Yehova mu upeme wa usandu. Chikimenu kumeso jenyi akwa hashi eswe.

Izaya 1:21

Tala chihunda chize chapwile chamwenemwene, hichalumuka chikoi, chapwile cha tò ni upatwilo wa kulita. Te ululi Watwamine muli iye, alioze haliapwila yingalwe wika.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 4:5

mba Yehova matanga helu lia chihela cheswe cha mulundu wa Zaione ni helu lia yikungulwila yenyi lelwa ha mwalwa, ni mwishi ni kupanguka cha kahia ka kulekwoka ha ufuku. Mumu helu lia uhenya weswe muhapwa chifuko.

Jeremia 13:18

Amba kuli mwanangana ni naye ngwe, Likehesenu, twamenu hashi, mumu yipangula yenu ya uhenya muyikatuka ha mitwe yenu.

Jeremia 29:4

Yehova-wa-Tujita, Zambi ya Izalele kanambe kuli njize eswe hachiza ku Yerusaleme ni kutuma ku Babilonia ngwenyi,

Jeremia 47:3

Atato kechi katala kunyima kuli ana jo, mumu ha upekepeke wa moko jo; ha mukunda wa lundunjila wa sende ja tuvwalu twenyi ha kulundumuka cha matemba jenyi ni chinumo cha maroda jo;

Jeremia 48:41

Yihunda mayitambula ni mbonge majikumba. Mbunge ja tujita a Moape ha tangwa lize mujipwa ngwe mbunge ya pwo ha kufumbajala.

Jeremia 52:11

Yalokola meso ja Zedekia, yamukashila mu malenge, mba mwanangana wa Babilonia yamutwala ku Babilonia, yamusa mu zuwo lia ususu ndo tangwa lia kufwa chenyi.

Jeremia 52:13

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

Ezekiel 24:21

Amba kuli akwa munyachi wa Izalele ngwe, Mwene Yehova kanambe ngwenyi, Mungukajilula zuwo liami lisandu, we uhenya wa tachi jenu ni chize meso jenu anawahilila nacho, ni chize nwakuzanga ni mbunge jenu jeswe. Anenu a malunga ni a mapwo waze nwahichikile kunyima kumafwa ni katana.

Ezekiel 24:25

Ni yena mwana mutu, ha tangwa lize mungukaatambula chihunda cho cha kukolesa, uwahililo wo ni uhenya wo, ni chize meso jo kakuwahilila nacho ni mbunge jo kujakuzanga, hamwe ni ana jo a malunga ni a mapwo.

Shimbi 28:25

Yehova makanulambisa kuli akwa kole jenu, munukatuhukila jila yimuwika kulimika no, alioze kumunukachina kumeso jo ku majila shimbiali, kumunukamwangana hakachi ka mawanangana eswe a hashi.

Shimbi 32:30

Kuchi umuwika mahuma kanunu hanji aali mazombwesa kumi lia tununu, kachi Liwe lio kaalanjishile kachi Yehova kaambilile?