Lungungu 1:3 - MUKANDA USANDU WA ZAMBI 1975

³ Yunda hanayi ku unjize mumu ha luyinda ni undungo ukalu. Haliapwila kanatwama hakachi ka mavungu alioze kawanyine uhwimino; akwa kumuhanga hamukwata hakachi ka kulifwita chenyi.

Mukanda Wa Zambi 1970

³ Ayuda haabwa ndungo, haayindama; akwa kole haachiza ni tachi ku mahio. Hikaali mu yifuchi ya yilambala, hikeeshi ni chifuchi cho ene, haajingilika kuli akwa kole, keeshi ni kuze maachinyina.

Lungungu 1:3 Iomraidhean Croise

1 MIANANGANA 25:11

Atu aze asalile mu chihunda, ni waze alikunjikile kuli mwanangana wa Babilonia, masalila a mbunga, Nabuzaradane kapitau ka tulayi yaambata funge.

1 MIANANGANA 25:21

Mwanangana wa Babilonia yaalamba, yaashiha mu Ribila mu chifuchi cha Hamate. Chocho yachiza Yunda mu chifuchi chenyi nikumutwala funge.

1 MIANANGANA 25:4

Henaho yalokola chipanga cha chihunda, mba tujita eswe yachina ha ufuku jila ya chikolo cha hakachi ka yipanga yiali kwe ku munda wa mwanangana. (A-Kaletea o analimika ni chihunda kweswe kwa kujingilika), mba mwanangana yayila jila ya ku Arapa.

1 MIANANGANA 25:5

Alioze tujita twa A-Kaletea yahanga mwanangana; yamuwana mu yana ya Yeriku, mba tujita twenyi eswe amumwanganyine mwamwa.

Jeremia 13:19

Yihunda ya ku Negeve hanayajila, mba kukushi niumwe kuyazulula. A-Yunda eswe hanaambata ku ufunge; e eswe hanayi ku ufunge.

Jeremia 16:16

Yehova kanambe ngwenyi, Ngunatumina akwa kutela yishi anji, mba kumakaoza; mba kulutwe mungutumina yingyanga anji, no maahanga ku milundu yeswe, ni mindundena yeswe ni ku yivwenge.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 39:9

Mba Nabuzaradane kapitau ka tulayi, yatwala ku unjize mu Babilonia atu aze asalile mu chihunda, ni waze hachinyina kuli iye, ni atu akwo.

Jeremia 52:15

Nabuzaradane kapitau ka tulayi yatwala ku ufunge amwe hakachi ka yiswale ahiana hakachi ka atu, ni atu aze asalile mu chihunda, ni waze alikunjikile kuli mwanangana wa Babilonia hamwe ni masalila ja yilangaji.

Jeremia 52:8

Alioze tujita twa A-Kaletea yahanga mwanangana; yawana Zedekia mu yana ya Yeriku, mba tujita twenyi eswe amumwanganyine mwamwa.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Lungungu 4:15

Atu atambikile kuli ayo ngwo, Katukenu akwa luchisa! Katukenu! Katukenu! Kanda nungukwata! Chocho alumukine akwa kuchina, yendanganyi; atu ambile hakachi ka mavungu ngwo, Kechi katwama ni yetu nawa.

Lungungu 5:5

Akwa kutuhanga, he ha makota jetu ali; jatuhwa, uhwimino wakuhi.

Ezekiel 5:12

Chihanda chamuchitatu cha yenu muchifwa ni chilungo ni kunonga ni kapunga hakachi kenu; chihanda chamuchitatu muchifwa ni katana kwa kunujingilika; chihanda chamuchitatu mungumwangina ku fuji jeswe ni kutomona katana kunuhanga.

Shimbi 28:48

Kashika munukavumbika akwa kole jenu Yehova makaatuma alimike ni yenu, ni zala, ni pwila, ni uvu, ni kuhona cha yuma yeswe. Makasa kanga ya utale ku kota jenu, ndo makanwonwona.