Lungungu 1:21 - MUKANDA USANDU WA ZAMBI 1975

²¹ Ivwenu mikuma yami! Mukwa kunguwumbijeka wakuhi. Akwa kole jami eswe hanevu lamba liami, kanawahilila mumu hiwachilinga. Neha tangwa lize hiwambulula, o akapwe ngwe yami napwa musono.

Mukanda Wa Zambi 1970

²¹ “Banjikenu mikuma yami; niumwe unangulembejeka kama. Akwa kole jami kaanawahilila mumu ha lamba lize unangumwesa. Neha tangwa lize walakenyene; mwesa akwa kole jami lamba, lamba ngwe chize ngunalimono yami.

Lungungu 1:21 Iomraidhean Croise

Miaso (Masamu) 35:15

Alioze o akungulukile nikuwahilila ha kutalinga chami. Yilamikiji angukungulukilile, ami chachinyingikine. Angupapulwile, kalitwaminyineko.

Miaso (Masamu) 37:13

Mwene kumamuseha mumu kanamono ngwenyi, Tangwa lienyi kulineza.

Miaso (Masamu) 38:16

Mumu nambile ngwami, Kuchina manguyunga. Muze chiliato chami muchisenunuka o malisamba ni yami.

Izaya 14:5

Yehova hamakuna mbwechi ya yingulungulu; hamakuna lukanda wa akwa kuyula,

Izaya 14:6

yoze wapwile nikulamba mavungu ni ufwatulo, ni kulitwamina ka. Wayulile mavungu ni utenu ni yihungumiona yikalu chikolo.

Jeremia 30:16

Kashika waze akukunongesa kumakanonga, akwa kole je eswe kumaya ku ufunge, e eswe lume. Waze mapunda upite we kumakaapunda. Waze eswe makupupa kumakapupiwa.

Jeremia 48:27

Te kunwayungile Izalele! Te nwamuwanyine hakachi ka eji, kashika heswaho mamutongola nwahungile mitwe yenu, nyi?

Jeremia 50:11

Chipwe nunawahilila, chipwe nunalikwiza, enu akwa kupupa chihinga chami, chipwe nuli ni usolo ngwe chihwo cha chimbembe cha ngombe ha kelo, chipwe nwakuteta ngwe kuji ja tuvwalu,

Jeremia 50:15

Kalumukenu kweswe kwa kumujingilika mumu halikunjika. Mbonge jenyi hijapuzuka, yipanga yenyi ya mawe hayinunguna. Che kufwetesa cha Yehova chenacho kashika ni yenu mufwetesenu. Lingenu kuli iye chize iye hanalingi.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Jeremia 50:31

Mwene Yehova-wa-Tujita kanambe ngwenyi, Ena mukwa kulengumuka, kunalimika ni yena; mumu tangwa lie hiliaheta, we mwaka wa kukwaha kastigu ye.

Jeremia 51:24

Mungufwetesa Babilonia ni waze eswe atwama mu Kaletea, kumeso jenu, ha yipi yeswe halinga mu Zaione. Chocho kanambe Yehova.

Jeremia 51:49

Chatamba Babilonia kupuzuka mumu hali A-Izalele waze ashihile, chizechene ngwe ha mukunda wa Babilonia akwa hashi heswe hanalimbuka a kushiha.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 1:22

Yitanga yo yeswe yipi yikeze kumeso je; linga no chize hiwalinga ni yami mumu ha milonga yami yeswe. Mumu mikuma yami yoka ni mbunge yami yinalezumuka.

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Lungungu 2:15

Waze eswe akupajieka mu jila kakulenya ni koshi; kakusoza nikuhunga mitwe yo hali mwana-pwo Yerusaleme ngwo, Che chihunda chenacho achilukile ngwo, Mwe chileza wa pundu pundu, ni uwahililo wa hashi heswe?

Lungungu 2:16

Akwa kole je eswe kanakutuku; kanasozana, ni kulisumasuma ku mazo ngwo, Hitwamwonwona! Lie tangwa twatwaminyinyine lino, mba hitwapwa nalio, hitwalimona.

Ezekiel 26:2

Mwana mutu, mumu Teru wambile ha kutwala ku Yerusaleme ngwo, Oló! Chajilo cha atu hichafwa, hichangwazulukila. Iye hamwenyeka, kashika ami munguyuka,

Joele 3:14

Yihuji ni yihuji mu chana cha upatwilo, mumu tangwa lia Yehova hiliakundama mu chana cha upatwilo.

Usolwelo 18:6

Mufwetenu chizechene ngwe hanafwetesa, ni yisuho yiali, nikulita ni yitanga yenyi; mu musenge uze hanauchinge, muchingilenu yisuho yiali.