Lungungu 1:20 - MUKANDA USANDU WA ZAMBI 1975

²⁰ Yehova, tala, mumu nguli mu lamba, mwono wami unalifwichi, mbunge yami yinawondeka muchima liami mumu hinakukatukila chikolo. Ha matapalo katana kanafwisa atu mu zuwo mwapwa ngwe ufwe.

Mukanda Wa Zambi 1970

²⁰ “Mwene Zambi, tala kama lamba liami, ni kubihilila chami! Ngunevu yinyengo yinji mumu ha milonga yami. Kaakushiha atu jami mu majila; chibwe mu mazuwo kaanafu.

Lungungu 1:20 Iomraidhean Croise

Jobe 30:27

Mbunge yami kuyinalifwichi; kuyisolo kuhwima. Matangwa a luyinda aneza kungupatwiza.

Jobe 33:27

Memba kumeso ja atu ngwenyi, Navulumwine; nahengesele chize Chinalulama, alioze kangufweteselelecho.

Miaso (Masamu) 22:14

Hinatehuka ngwe meya. Yifwaha yami yeswe hiyasengunuka. Mbunge yami yapwa ngwe sela, hiyasangunuka muchima lia jimo liami.

Miaso (Masamu) 38:8

Ngunalezumuka. Hanangumbwezula. Hinateta mumu ha kupinda cha mbunge yami.

Yishima 28:13

Mweswe masweka uvulumunyi wenyi kechi kawaha; alioze mweswe maushikisa nikuumbila mawana keke.

Izaya 16:11

Kashika muchima wami kuunatu mikuma ngwe kalialia mumu hali A-Moape, ni mbunge yami nawa hali A-Kiri-Haresete.

Izaya 38:14

Ngwe chitokola hanji kapiasayingutetwoka, yingutwa mikuma ngwe katele. Meso jami yikatalo anevu ni kutala kwilu. Mwene, kanangupinjisa, pwako yena chikwashi chami.

Jeremia 14:18

Nyi mungutuhuka mu yambu, afu ja ku katana wika! Nyi mungunjila mu chihunda misongo ya kapunga wika! Mumu aprofeta ni asasendote kanalingi milimo yo mu chifuchi, alioze yinyingi yakuhi.

Jeremia 14:20

Yehova, tunatayiza ungulungulu wetu, ni uhenge wa tulamba twetu, mumu hitunakuvulumuna.

Jeremia 2:35

wakwamba ngwe, Chishi mulonga; utenu wenyi hiwangwecha pundu. Mungukuneha ku upatwilo mumu ha kwamba ngwe, Chavulumwine.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 48:36

Kashika mbunge yami kuyinatu mikuma hali Moape ngwe lundembo. Mbunge yami kuyinatu mikuma ngwe lundembo hali malunga a Kiri-Haresete; kashika upite uze weswe hapita hiwakuwa.

Lungungu 1:11

Atu jenyi eswe anatu mikuma shimbu machifupa mbolo; kakusumbakenya yuma yo yilemu ni kulia akahuzulule tachi jo. Tala Yehova, uchimone, mumu hinasauka.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Ezekiel 7:15

Haze katana uliko; muchima chilungo ni kapunga. Yoze uli mu yambu mafwa ni katana; yoze uli mu chihunda manonga ni kapunga ni chilungo.

Daniel 9:5

etu hitwavulumuna, hitwalinga chipi, hitwalinga ungulungulu, hitwakukatukila ni kuhambuluka ku shimbi je ni yiyulo ye.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.