Lungungu 1:2 - MUKANDA USANDU WA ZAMBI 1975

² Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Mukanda Wa Zambi 1970

² Ufuku weswe te kakulila. Kakulundumuna masoji. Mukachi ka eswe waze abwile masepa jenyi, niumwe unamulembejeka kama wakuhi. Akwa kulivwa nenyi eswe yaamufwefweta, haalumuka akwa kole jenyi.

Lungungu 1:2 Iomraidhean Croise

Jobe 6:15

Enu akwetu nwangwonga ngwe mingulunga kuyishi meya, ngwe tupila aze akuma.

Jobe 7:3

Chocho ni yami hanangusela tukweji keshi chinyingi; ufuku wa huli hanangufunjikila.

Miaso (Masamu) 126:5

Waze akukuwa ni masoji kumakacha ni uwahililo.

Miaso (Masamu) 31:11

Kunapwa luchoko mumu hali akwa kulimika jami, ewa, kuhiana kuli akwetu natunga no. Nakuvwisa woma sepa liami. Waze akungumona haze kakunguchina.

Miaso (Masamu) 6:6

Yikatalo ngunevu ya mikuma yami. Ufuku weswe nakuulisa muhela wami ni masoji. Nakuhinjila muu wami ni masoji jami.

Miaso (Masamu) 69:21

Ha kulia chami nawa anguhele kasashisa; ha pwila yami anguhele vinagre ngukanwe.

Yishima 19:7

Akwo eswe a chiswale keshi kumuzanga; mba masepa jenyi, cho kuchina! Kakwakaula ni maliji alioze haya lume!

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 2:25

Funga molu je kandaya keshi haku, funga muliwu we ku pwila. Alioze wambile ngwe, Hijakangana kulu, mumu hinazanga yilambala mba mungwakaula.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 4:30

Ni yena hakwenyeka kulu, kuchi chinalumbunuka unazala ngengu, ni kuliwahisa ni yuma ya oru, ni kutohesa meso je ni ulombo? Unaliwahisa mokomoko, mumu masepa je kanakulelesa, kanafupu kukushiha.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 1:21

Ivwenu mikuma yami! Mukwa kunguwumbijeka wakuhi. Akwa kole jami eswe hanevu lamba liami, kanawahilila mumu hiwachilinga. Neha tangwa lize hiwambulula, o akapwe ngwe yami napwa musono.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Ezekiel 16:37

kashika mungukakungulula akwa zango lie eswe waze wahehele no; waze eswe waazangile ni waze waavwilile kupiha; mungukaachiza sali ni sali nikwakungulula kulimika ni yena. Mba mungukafukula uselesele we kuli ayo hanga akamone uselesele we weswe.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Mika 7:5

Kanda ufuliela mwenyembo; kanda ujikijila sepa. Funga kanwa lie chipwe kuli pwo yoze wapomba mu kondo ye.

Usolwelo 17:13

Wano mbunge yimuwika akwete, yahana tachi jo ni poko yo kuli ngongo.

Usolwelo 17:16

Ni kumi lia mbinga jize hiwamona, ni ngongo, wano kumakapwa ni kole kuli chikoi, makamupwisa wa hululu, makamupwisa ni uselesele, makalia musunya wenyi, makamwocha ni kahia.