Lungungu 1:18 - MUKANDA USANDU WA ZAMBI 1975

¹⁸ Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Mukanda Wa Zambi 1970

¹⁸ “Mwene Zambi halinga ni ululi mumu yami namukolemene. Yenu mavungu eswe, ngubanjikenu; talenu kama lamba lize nguli nalio. Akweze jami a malunga ni a mapwo haatwala mu undungo.

Lungungu 1:18 Iomraidhean Croise

1 Yitanga Ya Mianangana 13:21

Yamba kuli mutu wa Zambi wa ku Yunda ngwenyi, Yehova kanambe ngwenyi, Mumu hiwakolema liji lia Yehova; kwafungile shimbi yize Yehova Zambi ye wakutumine,

Ezra 9:13

Lamba lino Zambi yetu hatwaha liakeha ha unene wa unhenge wetu, se hiwatuhichika atu amwe a piliwiji. Mba helu lia yino yuma yeswe hiyatupwila mumu ha yitanga yetu yipi ni uhie wetu unene,

Nehemia 9:26

Chipwe chocho akolemene ni kukukatukila, ni kumbila shimbi je kunyima yo, ni kushiha aprofeta je waze aashindakenyene akaatewulwise kuli yena nawa. Akwihile chikolo.

Nehemia 9:33

Alioze mu yuma yino yeswe hiyatushata uli mukwa ululi mumu hiwalinga ni umwenemwene; yetu hitwalinga ni ungulungulu.

Miaso (Masamu) 107:11

mumu akolemene ku maliji a Zambi, nikulelesa yiyulo ya mwe Chitunda.

Miaso (Masamu) 119:137

Yena Yehova uli mukwa ululi, ni upatwilo we nawa kuwalulama.

Miaso (Masamu) 119:75

Yehova, ngunanyingika ngwami, Upatwilo we wapwa wa ululi, chikwo nawa mu umwenemwene we wanguyindamishine.

Miaso (Masamu) 145:17

Yehova kapwa mukwa ululi mu majila jenyi eswe. Mu yitanga yenyi yeswe vumbi akwete.

Kutuhuka 9:27

Falau yatuma, yasanyika Mose ni Arone, yamba kuli ayo ngwenyi, Musono navulumuna. Yehova iye mukwa ululi. Yami ni atu jami tuli yingulungulu.

Jeremia 12:1

Ena Yehova uli mukwa ululi, muze nakunenganyana kuli yena, hindu ngunazange kulumbununa chikuma chami kumeso je. Kuchi te jila ya chingulungulu yakuwaha? Kuchi te akwa mafwefwe eswe kakutatuka?

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 4:17

Ngwe tulayi a kufunga munda hanaseleka kweswe kwa kujingilika, mumu hanangukolema. Chocho kanambe Yehova.

Jeremia 49:12

Mumu Yehova kanambe ngwenyi, Nyi waze musenge uno kuwaatele chaatamba kuunwa, enu te munuya ni kastigu ka? Kunuchi kuya ni kastigu ka. Chanutamba kunwa.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Lungungu 3:42

Hitwavulumuna, hitwakolema, ni yena kwatukonekenene.

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Daniel 9:5

etu hitwavulumuna, hitwalinga chipi, hitwalinga ungulungulu, hitwakukatukila ni kuhambuluka ku shimbi je ni yiyulo ye.

Daniel 9:7

Mwene, ululi unalite ni yena, alioze chize chinatute yetu, sonyi ku meso, chize tunamono musono, kuli malunga ja Yunda, ni kuli akwa Yerusaleme, ni kuli A-Izalele eswe, waze ali hakamwihi ni waze ali kusuku mu yifuchi yeswe kuze hiwaahumina mumu ha mafwefwe aze halinga ni yena.

Amose 8:13

Ha tangwa lize *avirgem apema ni akweze makalezumuka ni pwila.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

A-ROMA 3:19

Achi, tunanyingika yeswayo shimbi muyamba, muyihanjika kuli waze atwama kushi lia shimbi; hanga makanwa eswe akapakike, ni akwa hashi eswe akahie kuli Zambi:

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Akwa Kuyula 1:7

Adonibezeke yamba ngwenyi, Makumi shimbiali a mianangana naatetele minwe yo ya shina ku moko ni ku molu, anjile yifwenyufwenyu kushi ha mesa yami. Chize nalingile Zambi hananguhilwisacho. Chocho amunehene ku Yerusaleme, yafwilako.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.