Lungungu 1:17 - MUKANDA USANDU WA ZAMBI 1975

¹⁷ Zaione kanazozo moko jenyi, alioze mukwa kumuwumbijeka wakuhi. Yehova hachitumina cha kulimika ni Yakomba hanga enyembo jenyi akanwe akwa kole jenyi. Yerusaleme hanalumuka chuma cha luchisa hakachi ko.

Mukanda Wa Zambi 1970

¹⁷ “Yinguzoza moko jami, alioze niumwe kangukwashile ko. Mwene Zambi yatambika akwa kole ahamike ni yami sali ni sali; kaanangumono ngwe chimwe Chuma cha majilo.

Lungungu 1:17 Iomraidhean Croise

1 Yitanga Ya Mianangana 8:22

Solomone yamana kulutwe lia chilumbilo cha Yehova kumeso ja chikungulwila cheswe cha A-Izalele, yazoza moko jenyi kwilu

1 Yitanga Ya Mianangana 8:38

mba kulemba cheswacho cha mutu umwe, hanji cha atu je eswe A-Izalele, mutu mweswe ha kunyingika chilungo chenyi, ni chinyengo chenyi, te cheswacho makumba, nikuzoza moko jenyi ku zuwo lino,

1 MIANANGANA 25:1

Ha mwaka wamuchilivwa wa kuyula chenyi ha kakweji wamuchikumi ni tangwa liamuchikumi lia kakweji Nabukanezore mwanangana wa Babilonia yeza ni tujita twenyi eswe kulimika ni Yerusaleme. Yasa chilombo chenyi kulimika nacho; yatunga mbonge kweswe kwa kujingilika.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Izaya 1:15

Muze munuzoza moko jenu, mungunuswekela meso jami; chipwe munulemba lembie-e-e, chichi kunwivwa. Moko jenu hazala ni manyinga.

Izaya 54:11

Ena mukwa lamba, wa kupinda ni kangonga, kushi ni mukwa kukuwumbijeka, mungukolesa mawe je ni ulombo weka ni weka. Mungusa fundamentu je ni safwira.

Jeremia 12:9

Te chihinga chami chapwa ngwe kajila wa yipekayipeka wa kushiha yifwo? Tujila a kushiha yifwo hanamuseleka kulimika nenyi? Yako, ukakungulule tushitu eswe a mu yambu eze akawumbule.

Jeremia 15:5

Ena Yerusaleme, iya makuvwila keke? Iya makutetela? Iya majingako akahule chize watwama?

Jeremia 16:6

Ni anene ni akepe mafwa mu chifuchi chino. Kechi kwafunda; kechi kwalila; niumwe malilemeka mumu hali ayo chipwe kulitewula.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 4:31

Mumu ngunevu muteto ngwe wa pwo kanafumbajala, kulifwita ngwe umwe ha kusema mwana mutangu. Muteto wa mwana-pwo Zaione nikuhuza; kanazozo moko jenyi ngwenyi, Lamba liami, ngunalezumuka kumeso ja yingalwe.

Jeremia 6:3

Tufunga ni yendo yo meza kulimika nenyi, masa mbalaka jo kwa kumujingilika, mafunga mapanga jo mutu mweswe kuma kwenyi.

Jeremia 8:18

Chinyengo chami chahiana chize mahasa kuwuka, mbunge yami yinayiji muchima liami.

Lungungu 1:16

Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 1:21

Ivwenu mikuma yami! Mukwa kunguwumbijeka wakuhi. Akwa kole jami eswe hanevu lamba liami, kanawahilila mumu hiwachilinga. Neha tangwa lize hiwambulula, o akapwe ngwe yami napwa musono.

Lungungu 1:8

Yerusaleme wavulumwine chikolo kashika walichishile. Waze eswe amulemesene haliapwila kanamulelesa mumu hamona uselesele wenyi. Ewa iye mwene kanatu mikuma ni kufuka meso jenyi.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 4:15

Atu atambikile kuli ayo ngwo, Katukenu akwa luchisa! Katukenu! Katukenu! Kanda nungukwata! Chocho alumukine akwa kuchina, yendanganyi; atu ambile hakachi ka mavungu ngwo, Kechi katwama ni yetu nawa.

Ezekiel 36:17

Mwana mutu, muze akwa munyachi wa Izalele atwamine mu chifuchi cho ene achichishile ni ndako jo ni yitanga yo. Yitanga yo yapwile kumeso jami ngwe luchisa wa pwo yoze uli ku mazuwo.

Hosea 8:8

Izalele hanamuli; hanayi kulu hakachu ka mavungu, ngwe chisashili.