Lungungu 1:16 - MUKANDA USANDU WA ZAMBI 1975

¹⁶ Yino yuma ngunalilila ni meso jami anasotwokela masoji; mumu mukwa kuwumbijeka kusuku ali ni yami yoze mahasa kuhuzulula hamu liami. Ana jami kanalezumuka, mumu mukwa kole hakumba.

Mukanda Wa Zambi 1970

¹⁶ “Kashika meso jami anazala ni masoji. Niumwe Unahase kungulembejeka; niumwe wakuhi Unahase kungutakamisa. Akwa kole haangukumba; atu jami keeshi nawa ni yuma.

Lungungu 1:16 Iomraidhean Croise

Miaso (Masamu) 106:42

Akwa kole jo aapinjishile nikwazeyesa kushi lia kwoko lio.

Miaso (Masamu) 119:136

Ku meso jami tuzololo twa meya kakusulumiokena mumu atu keshi kufunga shimbi ye. Zade

Miaso (Masamu) 69:20

Luchoko hanamakuna mbunge yami; ngunazala tò ni kulemewa. Nafupile amwe anguvwile kama keke, alioze akuhi. Nafupile amwe akwa kungulembejeka alioze chawanyine niumwe.

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Izaya 54:11

Ena mukwa lamba, wa kupinda ni kangonga, kushi ni mukwa kukuwumbijeka, mungukolesa mawe je ni ulombo weka ni weka. Mungusa fundamentu je ni safwira.

Jeremia 13:17

Alioze nyi kunuchi kwivwa, mbunge yami ku tenga muyililila kulengumuka chenu. Meso jami kumakahia chikolo nikulila masoji, mumu mbunga ya mapanga a Yehova hanakwachika mu ufunge.

Jeremia 14:17

Amba kuli ayo liji lino ngwe, Masoji akasulumioke ku meso jami ufuku ni mwalwa, kanda apatuka, mumu *virgem atu jami hanamutu mbandu yinene, hanamulambe chipi.

Jeremia 15:5

Ena Yerusaleme, iya makuvwila keke? Iya makutetela? Iya majingako akahule chize watwama?

Jeremia 8:18

Chinyengo chami chahiana chize mahasa kuwuka, mbunge yami yinayiji muchima liami.

Jeremia 9:1

Nyi kachi mutwe wami wapwa meya, ni meso jami fuji lia masoji, hanga ngukalile mwalwa ni ufuku hali waze haashiha a kuli mwana wa pwo atu jami!

Jeremia 9:10

Putukenu kulila ni kulila mbimbi ha mukunda wa milundu; putukenu lungungu ha mukunda wa ulilo wa mu puya, mumu hanenyekako kashika niumwe mapalikako, chipwe kuteta cha yimuna kachivwileko. Chipwe tujila a mu tetela, chipwe tushitu hachinako haya.

Jeremia 9:21

Mumu kufwa hichakanduka kwe ku njanela jetu, hichanjila mu palasiu jetu, ni kusutula ana ha tapalo, ni akweze ku malindalinda.

Lungungu 1:2

Kanalili chikolo ha ufuku, masoji kumeso jenyi. Hakachi ka akwa zango lienyi eswe kawanyine niumwe kumuwumbijeka. Masepa jenyi eswe halinga nenyi ni mafwefwe, hanalumuka akwa kole kuli iye.

Lungungu 1:9

Luchisa wenyi wapwile ha mahina jenyi; kanyongene upatwilo wenyi, kashika kulimbuka chenyi chakola woma, keshi ni yoze mamuwumbijeka. Yehova! Tala kama luyinda wami, mumu mukwa kole yami hakumba.

Lungungu 2:11

Meso jami hahwa ni kulila; mwono wami unalifwichi; mbunge yami yinapukumuka ni chikulikuli mumu hanonwona mwana wa pwo atu jami, mumu ana a kemba ni achila kanalezumuka mu matapalo ja chihunda.

Lungungu 2:18

Teta ni tachi kuli Mwene, yena mwana-pwo Zaione. Masoji akapukumuke ngwe muhwiji mwalwa ni ufuku! Kanda uhwima; kanda utayiza meso je kulitwamina.

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.