Lungungu 1:14 - MUKANDA USANDU WA ZAMBI 1975

¹⁴ Hakasa milonga yami ngwe kanga, ni kwoko lienyi hayijichika. Hayisa ha kota yami, hahongesa tachi jami. Mwene wangukunjikile kuli waze Chahashile kwakumba.

Mukanda Wa Zambi 1970

¹⁴ “Milonga yami yeswe hayisa chinyingi, hayikashila hamuwika; hayizezeleka ha kota yami, kashika hinahuhuka. Mwene Zambi hangukunjika kuli akwa kole jami, hinalekumuka ha kulimika no.

Lungungu 1:14 Iomraidhean Croise

Yishima 5:22

Chingulungulu kakukwachika mu uhenge wenyi mwene. Kumakakashiwa ni mihipu ya shili yenyi.

Izaya 14:25

Mungumakuna mwe Ka-Asuria mu chifuchi chami, mungumuliachila ha milundu yami; kanga yenyi muyiakatuka, ni chiteli chenyi muchikatuka ha yipaya yo.

Izaya 47:6

Natenukine ni atu jami, najilwile chihinga chami, naakunjikile mu kwoko lie, ni yena kwaavwilile keke. Chipwe hali tushinakaji walemesene kanga ye kuhiana.

Jeremia 25:9

kashika yami Yehova ngunambe ngwami, Hinatuma kusaka mavungu eswe a ku Norte ni kavumbi kami Nabukanezore mwanangana wa Babilonia mba mungwakoka kulimika ni chifuchi chino ni atu jacho ni wano mavungu eswe akunujingilika. Mungwaonwona liakulu, ni kwapwisa chuma cha mwongo, ni chuma cha kuyunga, ni luchoko wa mutolo.

Jeremia 27:12

Yinguhanjika chizechene kuli Zedekia mwanangana wa Yunda ngwami, Zeyesenu makota jenu kushi lia kanga ya mwanangana wa Babilonia nukamulingile ni atu jenyi nukatwame ni mwono.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 28:13

Yako ukambulwile Hanania ngwe, Yehova kanambe ngwenyi, Ena hiwapatula kanga ya mutondo alioze ami mungusalakanyisaho kanga ya utale.

Jeremia 28:14

Mumu Yehova-wa-Tujita, Zambi ya Izalele kanambe ngwenyi, Hinasa ha makota ja wano mavungu eswe kanga ya utale ya undungo kuli Nabukanezore mwanangana wa Babilonia. Kumakamulingila mumu hinamwaha chipwe tushitu a mu yambu.

Jeremia 32:3

Mumu Zedekia mwanangana wa Yunda hamusa mu zuwo lia ususu ngwenyi, Kuchi te wakuprofeteza ngwe, Yehova kanambe ngwenyi, Ngunakunjika chihunda chino mu moko ja mwanangana wa Babilonia mba machitambula?

Jeremia 32:5

Aye matwala Zedekia ku Babilonia mba kwenako matwama ndo mungumunangisa. Chipwe munulitachika ni A-Kaletea kunuchi kakumba. Chocho kanambe Yehova.

Jeremia 37:17

mwanangana Zedekia yamusanyika, yamwivwa. Mwanangana yamuhulahula ku lumbu ukawo mu zuwo lienyi ngwenyi, Liji limwe liliko lia kuli Yehova? Jeremia ngwenyi, Kulili. Mba yaweza ngwenyi, Kumanukunjika ku moko ja mwanangana wa Babilonia.

Ezekiel 11:9

Mungunuchizamo; mungunukunjika kuli tundaka; mungulinga upatwilo hali yenu.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Ezekiel 23:28

Mumu Mwene Yehova kanambe ngwenyi, Mungukakukunjika mu moko ja waze Unaavwila kupiha, mu moko ja waze watewulukile kuli ayo ni lwaji,

Ezekiel 25:4

kashika ni yami mungukanuhana kuli akwa Chivumbuko akanupite. Kumakajika yilombo yo hakachi kenu, ni kutunga mazuwo jo ku mahienu. Kumakalia mihuko yenu; kumakanwa yamwa yenu.

Ezekiel 25:7

kashika hinazoza kwoko liami kulimika ni yenu, mba mungukanuhana nukapwe upite wa kupunda ku mavungu. Mungukanuteta hakachi ka mavungu, mungukanujimuna hakachi ka yifuchi. Mungukanunongesa. Henaho munukanyingika yami nguli Yehova.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Mika 2:3

Kashika Yehova kanambe ngwenyi, Ha kutwala ku munyachi uno ngunanunyongena chuma chikalu; kunuchi kahasa kutusulako makota jenu. Kunuchi kenda nawa nikulizelula mumu muchikapwa mwaka upi.

Shimbi 28:48

Kashika munukavumbika akwa kole jenu Yehova makaatuma alimike ni yenu, ni zala, ni pwila, ni uvu, ni kuhona cha yuma yeswe. Makasa kanga ya utale ku kota jenu, ndo makanwonwona.