Lungungu 1:12 - MUKANDA USANDU WA ZAMBI 1975

¹² Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Mukanda Wa Zambi 1970

¹² Kanakololoka kuli mweswawo wakubalieka ko ngwenyi: “Ngutale kama nyi umwe mutu uliko yoze unamono lamba ngwe yami, lamba lize Mwene Zambi hanguzukwila ha matangwa ja ufwatulo wenyi.

Lungungu 1:12 Iomraidhean Croise

Miaso (Masamu) 88:16

Ufwatulo we usasu unangulundumukina. Yuma ye ya kuvwisa mwongo hiyanguteta ngwi.

Izaya 13:13

Kashika mungukachikimisa malilu, ni hashi muhanyika homa haho, ku ufwatulo wa Yehova-wa-Tujita ha tangwa lia utenu wenyi usasu.

Jeremia 10:19

Lamba liami mumu ha yikola yami! Mbandu yami yipi. Alioze nambile ngwami, Pundu lino lamba liami, mba changutamba kulikoleza nalio.

Jeremia 18:16

Hanalumuna chifuchi cho chuma cha mwongo, chuma cha kusoza ndo ku miaka. Mweswe mapalikako mevwa mwongo, ni kuhunga mutwe wenyi.

Jeremia 30:23

Talenu kangonga ka Yehova! Ufwatulo hanauputuka; Kakundukundu wa chijimbi. Makahulumukina ha mitwe ya yingulungulu.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 4:8

Ha chikuma chino lijikenu ni chikeleyi. Lishimwokenu ni kulila mbimbi mumu utenu usasu wa Yehova kuwatukatukile.

Jeremia 48:27

Te kunwayungile Izalele! Te nwamuwanyine hakachi ka eji, kashika heswaho mamutongola nwahungile mitwe yenu, nyi?

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Lungungu 2:1

Mwene mu utenu wenyi hanafuku mwana-pwo Zaione ni lelwa. Uhenya wa Izalele hanauchiza mwilu, hanaumbila hashi. Ha tangwa lia utenu wenyi hanavulama chitwamo cha yiliato yenyi.

Lungungu 2:13

Ena mwana-pwo Yerusaleme, Kuchi mungwamba hali yena? Ngukupwise ngwe kuchi? Ena mwana-pwo virgem Zaione. Ngukutese neka, hanga ngukuwumbikize? Mumu kulumbuka che chatoha ngwe kalunga-lwiji. Iya mahasa kukuhuzulula nawa?

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Mateu 24:21

mumu hohene kumukukapwa luyinda munene, ngwe kanda hamoneka hano hashi chize ku uputukilo wa hashi ndo haliapwila, chipwe kechi kapwa nawa.