Lungungu 1:1 - MUKANDA USANDU WA ZAMBI 1975

¹ Chihunda chinatwama kulungunga, chize chapwile cha tò ni atu mama yami! Hichinalumuka ngwe tuliwa, chapwile chinene hakachi ka mavungu. Chapwile ni chiyulo hakachi ka yihunda hichalumuka kapinji!

Mukanda Wa Zambi 1970

¹ Kuchi mba Yerusaleme halela chichize, limbo lize liabwile ni atu abwahaze! Limbo lize te akusa vumbi kuli akwa hashi eswe, hiliabwa ngwe tuliwa; Limbo lilemu liahiana hilialumuka ngwe ndungo.

Lungungu 1:1 Iomraidhean Croise

1 Yitanga Ya Mianangana 4:21

Solomone wayulile yifuchi yeswe chize ku mwe Lwiji ndo ku chifuchi cha A-Filistea ni ndo ku njiza ya Engitu. Yaneha milambu nikulingila Solomone matangwa eswe a mwono wenyi.

1 MIANANGANA 23:33

Falau-Neko yamukashila mu Ribila mu chifuchi cha Hamate kumuchinda kuyula mu Yerusaleme; yafwetesa nawa che chifuchi milambu ya kulakaji lia *talentu ja prata ni *talentu yimuwika ya oru.

1 MIANANGANA 23:35

Jehoakime yahana prata ni oru kuli Falau, alioze yafwetesa akwa chifuchi akahane je mbongo nikulita ni shimbi ja Falau. Yachiza prata ni oru kuli akwa chifuchi, mutu mweswe nikulita ni lijimu lia kusoneka, akajihane kuli Falau-Neko.

2 Sango Ja Mianangana 9:26

Aye wayulile helu lia mianangana eswe chize ku Lwiji ndo ku chifuchi cha A-Filistea ni ku njiza ya Engitu.

Ezra 4:20

Kwapwile nawa mianangana a ndundo mu Yerusaleme akwa kuyula chifuchi cheswe lize sali lia Lwiji nikutambula milambu, ni lijimu, ni mwombo.

Nehemia 5:4

Akwo yamba ngwo, Hitwatambula mbongo ja kufweta mulambu wa mwanangana, alioze minda yetu ni mitondo yetu ya uva hiyaya ngwe tombo.

Nehemia 9:37

Kuchakwima mbuto ya kulumbama kuli mianangana waze hiwasela helu lietu mumu ha milonga yetu. O kakuyula mijimba yetu, ni yimuna jetu nikulita ni upale wo mba tuli ni luyinda munji.

Miaso (Masamu) 122:4

Kuze mavungu akukanduka, mavungu a Yehova, chikapwe Shindakenyo kuli Izalele, kusakwila ku jina lia Yehova.

Izaya 14:12

Walimbuka Chichize kwilu, ena Lusiferu, mwana wa kucha! Hakupakula hashi, ena wanungwine mavungu!

Izaya 22:2

nwazala ni kukalumioka, chihunda cha Chizungozungo chihunda cha kulikwiza? Afu jenu kaashihile ni katana hanji mu jita.

Izaya 3:26

Yajilo yako muyilila ni kulishimwoka; matwama hashi mumu hamupupa.

Izaya 49:21

Henaho muwamba mu mbunge ye ngwe, Iya wangusemenene wano? Ami napwile tuliwa kanda mumba. Napwile mu chifuchi chisuku, wa kulakula, mba iya walelele wano? Ami napwile ukawami; wano kulihi akatukile?

Izaya 50:5

Mwene Yehova hanangujikula twitwi liami, chakolemene, chahilukile kunyima.

Izaya 52:2

Ena funge Yerusaleme! Likukumune ukatuke mu fufuta! Chiza malenge ku kota ye, ena funge, mwana-pwo Zaione.

Izaya 52:7

Ha milundu cho kuwaha cha molu ja mukwa Sango lipema, yoze wakwambujola sambukila, nikuneha sango lia kuwaha lia yuma yipema, kakwambujola ulamwino; kakwamba kuli Zaione ngwenyi, Zambi ye kanayulu.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Jeremia 31:7

Mumu Yehova kanambe ngwenyi, Imbenu ni liji linene lia chiseke mumu hali Yakomba; likwizenu mumu hali mukwa lutwe hakachi ka mavungu. Ambululenu; halisenu nikwamba ngwenu, Yehova hanalamwina atu jenyi, e masalila ja A-Izalele.

Jeremia 40:9

Gedalia mwana Ahikame mwana Shafane yalishinga kuli ayo ni kuli atu jo ngwenyi, Kanda nwivwa woma kulingila A-Kaletea. Twamenu mu chifuchi chenu, nukalingile mwanangana wa Babilonia, mba munutwama kanawa.

Jeremia 42:2

yamba kuli profeta Jeremia ngwo, Kuliumba chetu chikahete kumeso jenu nukatulembele kuli Yehova Zambi yenu, hali yetu eswe twasala, mumu twasala akehe wika hakachi ka anji ngwe meso jenu anatumono.

Jeremia 44:2

Yehova-wa-Tujita, Zambi ya Izalele kanambe ngwenyi, Hinwamona yikalu yeswe nakokele ha Yerusaleme ni ha yihunda yeswe ya Yunda. Musono hiyapwa ya hululu; niumwe keshimo wakuhi,

Jeremia 44:6

Kashika ufwatulo wami ni utenu wami hinauzukula ni kuusambiza mu yihunda ya Yunda ni mu matapalo ja Yerusaleme. Ayo hiyalumuka yamokomoko ni ya hululu ndo tangwa lia musono.

Jeremia 50:23

Muhato wa hashi heswe hauteta ni kuumakuna Chichize! Babilonia hanalumuka chuma cha mwongo hakachi ka mavungu.

Jeremia 9:11

Mungupwisa Yerusaleme mulumba wa yipuzu, chipombelo cha mikuza. Mungupwisa yihunda ya Yunda puya, kuze kukwatwamine atu.

Lungungu 1:19

Nasanyikine kuli waze anguzangile alioze angwongele. Asasendote jami ni makulwana jami akuwile mu chihunda, shimbu machifupa kulia kuhuzulula tachi jo.

Lungungu 2:1

Mwene mu utenu wenyi hanafuku mwana-pwo Zaione ni lelwa. Uhenya wa Izalele hanauchiza mwilu, hanaumbila hashi. Ha tangwa lia utenu wenyi hanavulama chitwamo cha yiliato yenyi.

Lungungu 2:10

Makulwana ja mwana-pwo Zaione hashi anatwama, kúlú; hanalikuwu mavu ha mitwe hanazala yikeleyi. Ana-mapwo a mu Yerusaleme hanahetamisa mitwe yo hashi.

Lungungu 4:1

Oru yafuwalala Chichize; ye oru yipema hiyalumuka! Mawe alemu asandu anamwangana ku masongo ja matapalo eswe.

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Ezekiel 26:16

Mba alemu eswe a ku kalunga-lwiji makakatuka ku ngunja jo; makazula mahina jo ja ngungu; makalichiza yikuto yo ya kupemesa ni mbordado; makazala kuchikima. Makatwama hashi nikuchikima shimbu lieswe ni kulishimwoka ha mukunda wa yenu.

Ezekiel 26:2

Mwana mutu, mumu Teru wambile ha kutwala ku Yerusaleme ngwo, Oló! Chajilo cha atu hichafwa, hichangwazulukila. Iye hamwenyeka, kashika ami munguyuka,

Ezekiel 5:5

Mwene Yehova kanambe ngwenyi, Yino ye Yerusaleme; nayisele hakachi ka mavungu, ni kuyijingilika ni yifuchi.

Alevi 26:31

Mungupwisa yihunda yenu yahululu. Mungupwisa mazuwo jenu asandu ngwe puya, mba chichi kuhumbika milambu yenu ya lupembo mupema.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Zefania 2:15

Che chihunda cha kulilengela acho, chize chatwamine kawape nikwamba kuli iye mwene ngwenyi, Yami uno, kukushi mukwo. Hamwenyeka Chichize! Chiswamo cha ngongo! Waze eswe anapalikako kanasozana nikuhungisa moko.

Usolwelo 18:7

Ku chize cheswe hanalichichimieka, ni chize hanahungumuka ni yipi, chocho kuhiana mwehenu kupinda ni kunenganyana, mumu kanambe mu mbunge yenyi ngwenyi, Nakutwama mwananganawa-pwo, hi nguli twamishi ko, chichi kamona kunenganyana nichimwe.