Luka 9:56 - MUKANDA USANDU WA ZAMBI 1975

⁵⁶ mumu mwe Mwana Mutu kejile mukwonwona mwono wa atu alioze mukuulamwina. O ayile ku chihunda chikwo.

Mukanda Wa Zambi 1970

⁵⁶ Mba yaaya ku limbo likwo.

Luka 9:56 Iomraidhean Croise

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:11

Mumu mwe Mwana Mutu haneza mukulamwina yoze watokele.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 5:39

alioze yami ngunambe kuli yenu ngwami, Kanda nukalimika ni ungulungulu: alioze mweswawo makulamba ha tafu lia chindume, mutewulwile likwo nawa.

Luka 19:10

Mumu mwe Mwana Mutu wejile mukufupa ni kulamwina yoze hanatoko.

Luka 22:51

Alioze Yesu wakumbulwile, ngwenyi, Atayize chocho wika. Iye wasele minwe yenyi ha twitwi lienyi, wamuwukile.

Luka 23:34

Yesu wambile ngwenyi, Tata, uakonekene kama; mumu kanyingikine chize analingi. O, nikulianyina mazalo jenyi hakachi ko, atele chela.

Luka 9:55

Alioze watewulukile, waámbilile, ngwenyi, Kunwanyingikine a ku Spiritu yoze nuli,

Luka 9:57

Shimbu anayi mu jila, umwe wambile kuli iye ngwenyi, Mwene, mungukukaula kweswako muoya.

Yoano 10:10

Mwiji keshi kwiza shina ha kwiya, akashihe, akonwone: yami nejile hanga akapwe ni mwono, hanga akapwe nawo wa kulumbama.

Yoano 12:47

Kachi umwe mevwa maliji jami, keshi kwafunga, yami chishi kumupatwiia: mumu chejile hanga ngukapatwile akwa hashi, alioze hanga ngukalamwine akwa hashi.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

A-ROMA 12:21

Kanda anukumba ku yipi, alioze kumbenu yipi ha kulinga yipema.

1 Timoteu 1:15

Liji lino liatela kufuliela, linatambe kutá cheswe, ngwo, Kristu Yesu wejile hano hashi mukulamwina yivulumunyi; hakachi ko, yami nahiana.