Luka 9:54 - MUKANDA USANDU WA ZAMBI 1975

⁵⁴ Muze tumbaji twenyi, Tiangu ni Yoano, achimwene, ambile ngwo, Mwene, unazange twambe kahia kahulumuke mwilu ni kwalesa ngwe alingile Eliya, nyi?

Mukanda Wa Zambi 1970

⁵⁴ Muze haachimona, tumbaji twenyi Tiangu (Jake) ni Yoano yaahula ngwo: “Mwene, unazange twite kahia kwilu kahulumuke ha kwonona, nyi?”

Luka 9:54 Iomraidhean Croise

2 Samuel 16:9

Mba Abishai mwana Zeluia yamba kuli mwanangana ngwenyi, Kuchi te yono kawa mufu kanatuku mwene wami mwanangana? Ngutayizenu kama, nguye ngumutape mutwe.

2 Samuel 21:2

Mwanangana yasanyika A-Ngibeone. A-Ngibeone kapwile a kuli A-Izalele. O te masalila ja A-Amore. A-Izalele te halikata no ni shingo, alioze Saulu wafupile kwashiha mumu ha kushinjika chikolo ulemu wa A-Izalele ni A-Yunda.

1 MIANANGANA 1:9

Henaho mwanangana yatuma kuli iye kapitau ka makumi atano ni makumi jenyi atano. Yaya kuli iye, yamuwana hatwama ha mulundu. Yamba kuli iye ngwenyi, Ena mutu wa Zambi, mwanangana ngwenyi, Palumukako.

1 MIANANGANA 10:16

Yamba ngwenyi, Tweya ni yami ukamone chize nakulinga ni mbunge yeswe hali Yehova. Chocho yamwendesa mu temba lienyi.

1 MIANANGANA 10:31

Alioze Jehu kanyongene kwenda mu shimbi ja Yehova Zambi ya Izalele ni mbunge yenyi yeswe. Kechele milonga ya Jeroboame yize avulumwishine nayo A-Izalele.

Longeshi 3:3

tangwa lia kushiha, ni tangwa lia kuwuka; tangwa lia kupuzula, ni tangwa lia kutunga;

Marku 3:17

Di Tiangu mwana Zembendeu, ni mwanakwo Yoano, waalukile jina likwo ngwenyi, Mboaneje, Unalumbunuka ngwo, Akwa kukulunguza.

Luka 9:55

Alioze watewulukile, waámbilile, ngwenyi, Kunwanyingikine a ku Spiritu yoze nuli,

Usolwelo 13:13

Iye yalinga yilayi yinene, chocho chipwe mahulumwisa kahia ka mwilu hashi kumeso ja atu.

Usolwelo 13:3

Namwene umwe wa ku mitwe yenyi ngwe aushihile ndo ku kufwa; ni mbandu yenyi ya kufwa ayiwukile: ni akwa hashi eswe akawile ngongo nikukomoka.